TUBOD, Lanao del Norte (PIA)– Mabulukong gisugdan ang Paskuhan sa probinsya pinaagi sa Christmas lighting activity ug engrandeng fireworks display nga gipahigayon sa Provincial Capitol grounds.
Makita ang mabulokong Christmas lights, giant Christmas tree, ug mga dagkong Christmas balls. Bida sab ang dancing fountain show sa kapitolyo.
Wala nahimong babag ang pag-ulan sanglit gidagsa gihapon sa mga residente ang provincial capitol.
“Nianhi mi diri para masaksihan namo ang pag-open sa light nga nindot kaayo. Bisan gaulan nianhi jud mi kauban sa among mga anak. Akong wish nga magpadayon nga in-ani, walay mga kalamidad nga muabot sa atoa,” sumala ni Jenalyn Samson.
Smantang, mapasalamaton si Governor Imelda “Angging” Quibranza Dimaporo sa mga blessing nga niabot sa probinsya.
Usa sa gideklarang awardee ang probinsya sa 2023 Seal of Good Local Governance, ang pinakataas nga award nga ginahatag sa Department of the Interior and Local Government para sa best-performing local government units.
Mabulukong gisugdan ang Paskuhan sa Lanao del Norte pinaagi sa Christmas lighting activity ug engrandeng fireworks display nga gipahigayon sa Provincial Capitol grounds.(ADD/PIA-10/Lanao del Norte)
Samtang, gianunsyo sab sa National Disaster Risk Reduction and Management Council pinaagi sa National Gawad Kalasag Committee nga beyond compliant ang probinsya sa 23rd Gawad Kalasag Seal and Special Awards for Excellence in Disaster Risk Reduction and Management and Humanitarian Assistance for the Local DRRM Councils and Offices Category.
“I hope and pray that our Christmas with our families will be as white as the snow. It’s really a white Christmas for all of us; kay kaluoy sa Ginoo walay dautan nga nahitabo sa atong probinsya, and we are looking forward to the opening of Panguil Bay Bridge this coming June 2024,” sumala niya. (LELA/PIA-10/Lanao del Norte)
