SYUDAD SANG ILOILO (PIA) — Nagpirma ang Department of Agriculture (DA) Western Visayas kag Iloilo Science and Technology University (ISAT-U) sang Memorandum of Agreement (MOA) sang Nobyembre 19 para sa pagtukod sang DA Virtual Hub para sa Agricultural Supply Chain Development kag Market Connectivity.
Ginrepresentar ni Regional Executive Director Dennis Arpia ang DA-WV kag ni President Dr. Gabriel M. Salistre Jr. naman ang ISAT-U.
Tinutuyo sang talatapan ang “digital transformation” sa agrikultura, pag-leverage sang blockchain technology kag data analytics para sa modernisasyon sang supply chains para masabat ang mga mayor nga paghangkat sang micro, small, and medium enterprises (MSMEs), kooperatiba kag mga asosasyon sa pag-access sang mga tindahan kag pagsunod sa mga pagbag-o sa ekonomiya.
Ang ini nga proyekto sang DA kag ISAT-U, nga ginatawag nga DA Virtual Hub, maga-integrar sang e-commerce platforms kaupod ang real-time data para mastreamline ang mga operasyon, kag maimproba ang market accessibility subongman ang pagtanyag sang transparency.
Ang mga key features nagalakip sang role-based user dashboard, databasing, kag mapping tools, virtual hub nga pagagamiton sa pagmonitor sang produksyon kag maga analisar sang mga consumer trends.
Sa pag-integrar sang government systems kaangay sang price monitoring databases, profiles of clusters and institutional markets, kag commodity harvest projections, ang virtual hub magahatag sang free access sa mga organisasyon sang mga mangunguma para mabaligya ang ila mga produkto direkta sa mga nagapartisipar nga mga institusyonal nga mga merkado.
Nagpasalamat si Arpia sa ISAT-U sa pagpares sa DA Virtual Hub sang ila research nga “Building a Decentralized E-Commerce Platform: Empowering MSMEs and Customers through Blockchain Technology and Data Analytics” nga nagatan-aw nga magahatag suporta sa mga mangunguma kag stakeholders sa mabukid nga mga lugar, samtang iya ginpunto nga ang information technology ukon digitalization importante sa mga padayon nga mga paghangkat sa sektor.
“Dapat buo ang pagtingin natin sa (agrikultura) kasama ang market at logistics at para real time ang assessment ng production na hindi ka mabiktima lagi ang mga magsasaka na tumama sa ani, pero talo sa kita. It’s good that we have this project that we hope to be operationalized soon and will serve as a guide by other regions,” dugang pa sini.
Ang bag-o lang natapos nga MOA signing ginbuylugan nanday project leaders James Daniel Gregori sang DA Western Visayas kag Rayjand Gelamucho sang ISAT University. Ang ini nga proyekto ginapangunahan ni Clark Melendres, DA senior agriculturist, kag Dr. Carmelo Ambut, ISAT University Vice President for Research and Extension.
Padayon nga gina-develop sa karon ang virtual hub nga may joint funding support halin sa duha ka institusyon para sa web development, hosting, database, stakeholders’ engagement, kag maintenance measures. (AAL/AGP/PIA 6 kalakip ang mga balita halin sa DA Western Visayas)
