LUNGSOD NG CALAPAN, Oriental Mindoro (PIA) – Isinagawa sa bayan ng Gloria ang pamamahagi ng Fertilizer Discount Voucher sa ilalim ng Department of Agriculture (DA) – Rice Program sa mga magsasakang Gloriano na nagsasaka sa hindi hihigit sa dalawang hektaryang lupain na ginanap sa Gloria Municipal Gymnasium kamakailan.
Umabot sa Php5.41M ang kabuuang halaga ng pondong pinamahagi kung saan nasa 1,249 na magsasakang Gloriano ang naging benepisyaryo ng nasabing programa ng kagawaran. Matutubos ang mga fertilizer discount voucher sa alinmang accredited fertilizer merchant.
Nagkaisa sa programamg ito ang DA at ang Gloria LGU na ang layunin ay mapalakas pa ang produksiyon ng palay at ang pagkakaroon ng masaganang ani. (DN/PIA-OrMin/Gloria Municipal Gazette)
Larawan sa itaas: Tatanggap ang nasa 1,249 magsasaka sa Gloria ng ayuda mula sa Department of Agriculture – Rice Program upang mapalakas pa ang produksiyon ng palay at masaganang ani.
