SYUDAD SANG ILOILO (PIA) – Nakapatubas sang 6.2 metriko tonelada kada ektarya ang Department of Agriculture- Western Visayas sang NSIC Rc 604 ukon saline-resistant variety sang palay sa duha ka ektarya nga talamnan sa Western Visayas Integrated Agricultural Research Center (WESVIARC), Jaro, Iloilo, City.
Suno kay Science Research Specialist Engr. Flerida Demamay, ang pagpatubas sang NSIC Rc 604 nga variety sang palay ang kabahin sang mga lihok sa WESVIARC para tan-awon ang iya yield performance kag maka-develop sang mabakod nga rice varieties para sa mga irigado nga lowland areas nga may saline conditions.
“The department, through the Masagana Rice Industry Development Program, hopes to expand palay production areas next year, particularly in farms with high salinity,” dugang pa niya.
Gingamit ang PalayCheck System kag Rice Crop Management Advisory Service para sa pag-optimize sang produksyon kag patubas sang palay.
Nakaatubang man sang golden apple snails, stemborers, kag rodents apang ang mga ini epektibo nga nadumalahan kag nakontrol gamit ang Integrated Pest Management ukon IPM technologies kag biological control agents kaangay sang “trichogramma japonicum.”
Gamit ang 30 ka kilo nga inbred seeds, ang mga palay gintanom gamit ang riding-type transplanter sang Hulyo 8 sini nga tuig kag ginpatubas sang Oktubre 7 gamit ang rice combine harvester.
Sa kabilugan, may 252 ka sako nga may 49.18 kilo kada bag ang naprodukto sang research station. (AAL/AGP/PIA 6 kaupod ang mga balita halin sa DA-WV)
