TACLOBAN CITY (PIA) — Nagpahimatngon an Department of Migrant Workers (DMW) dinhi ha rehiyon nga magin mabinantayon agud malikyan an kabiktima hin illegal recruiters.
Ha Kapihan sa Bagong Pilipinas, iginpahayag ni OIC-Regional Director Marlon Macalla HAN DMW-8 nga siguraduhon anay kun lisensyado ba ngan may-ada job orders an recruitment agency nga ira dadaupan.
Sumala pa kan Macalla, mas maupay kun madaop anay ha DMW an mga nagpaplano magtrabaho ha langyaw agud manginano kun legal ba an operation han recruitment agency.
Kun an recruitment in ginhihimo ha mga probinsiya, kinahanglan may-ada iginpapakita nga authority an ahensiya para hira magbiling hin mga magtatrabaho ha langyaw.
Iginsumat pa ni Macalla nga likyan gihapon an travel agencies nga nag-aaghat nga ipaagi ha ira ahensiya an pagtrabaho ha langyaw mahitungod nga ine in segurado nga iligal.
Gintagan hin doon han opisyal nga madali la masabutan an transaksyon han illegal recruiters ngan kun diri gud sigurado, mas maupay nga dumangop na ha mga otoridad kun lehitimo ba an ira operasyon. (RLA, PIA-8)
