CAMIGUIN (PIA) — Ang Department of Information and Communications Technology (DICT) Camiguin naghatud og walay hunong nga koneksyon ug emergency communications para sa 2025 State Colleges and Universities Athletic Association (SCUAA) Games, nga nagpasiguro sa walay samok nga digital access ug gipadugang nga mga lakang sa kaluwasan.
“Through the Free Wi-Fi for All Program, DICT Camiguin provided essential connectivity services to support the event’s secretariat, e-games, and athletes. The reliable internet access enabled smooth communication, digital coordination, and real-time reporting throughout the duration of the games,” sumala pa ni DICT Camiguin Provincial Officer James Sagocsoc.
(Pinaagi sa Free Wi-Fi for All Program, ang DICT Camiguin naghatag og hinungdanong serbisyo sa koneksyon aron suportahan ang sekretaryat sa event, e-games, ug mga atleta. Ang kasaligan nga internet access nagpasiguro sa hapsay nga komunikasyon, digital coordination, ug real-time reporting sa tibuok panahon sa mga dula.)
Sa pakigtambayayong sa Camiguin Polytechnic State College (CPSC), ang DICT Camiguin nagpahigayon sa estratehikong pag-instalar og daghang Starlink units aron masiguro ang high-speed nga koneksyon sa mga priority nga lugar, ilabi na sa mga venue sa e-sports. Kini nga setup importante aron mapadayon ang walay hunong nga online gameplay ug digital coordination sa lain-laing mga lugar.
Aron mapalig-on ang mga safety protocols, ang DICT Camiguin usab nag-aktibar og standby Radio Communications System, nga nagkonektar sa isla direkta sa mainland Region 10 pinaagi sa Regional Disaster Network. Ang sistema nagserbisyo isip backup communication channel para sa emergency response.
“This collaboration exemplifies our commitment to public service and demonstrates a strong partnership between the academe and DICT, working together to bridge the digital gap and to better serve the nation,” ingon ni CPSC President Dr. Macario B. Oclarit.
(Ang kolaborasyon nagpakita sa among tinguha sa serbisyo publiko ug nagpamatuod sa lig-on nga pakig-partner sa academe ug DICT, nga magtinabangay sa pagtabang sa pag-bridge sa digital gap ug sa mas maayo nga pagserbisyo sa nasud.)
Sa kalampusan sa kini nga pakigtambayayong, si Sagocsoc miingon nga ang DICT ug CPSC nagpakita sa gahum sa kolaborasyon sa paggamit sa digital nga solusyon aron mapalambo ang serbisyo publiko, masuportahan ang lokal nga mga event, ug mapadayon ang inclusive access sa teknolohiya. (RTP/PIA-10)
