TAGBILARAN CITY, Bohol, Feb. 8 (PIA) — Nihatag og dugang impormasyon ang Department of Health (DOH) kalabot sa bag-o lang natumbok nga CH.1. 1 ug XBB.1.5 nga kaso sa COVID-19 variants sa Pilipinas.
Matud pa sa gipagawas nga advisory sa DOH, ang CH.1.1 sub-lineage sa BA 2.75 samtang ang XBB.1.5 sub-lineage sa XBB.
Kini ang pareho nga gitaho ubos sa BA.2.75 ug XBB base sa pagkasunod.
“ECDC (European Centre for Disease Prevention and Control) has tagged CH.1.1 as variant under monitoring (VUM) and XBB.1.5 as variant of interest (VOI), but the WHO has not provided specific classification yet (Gi-tag sa ECDC (European Center for Disease Prevention and Control) ang CH.1.1 isip variant under monitoring (VUM) ug XBB.1.5 isip variant of interest (VOI), apan ang WHO wala pa maghatag ug espesipikong klasipikasyon),” matud pa sa pahayag sa DOH.
Sama sa uban pang mga variant ug subvariant nga natumbok, gipahinumdoman sa DOH ang tanan sa pagsunod sa minimum public health standards, magpabakuna/booster ug sayran ang kakuyaw sa tanang aktibidad.
Matud pa sa DOH, padayon niining gibantayan ang mga variant ug nakig-alayon sa World Health Organization alang sa dugang giya.
Gidayeg sa buhatan ang ilang team gikan sa Department of Health ug sequencing laboratories sa UP-PGC ug RITM sa mga inisyatiba ug paningkamot sa pagsiguro sa padayon nga pagbantay sa mga utlanan ug komunidad ug genome sequencing sa mga variant sa COVID-19.
Giklaro usab sa DOH nga taliwala sa mga pagdiskobre sa mga variant ug subvariant , ang mahinungdanong indicator mao nga nagpabiling nadumala sa atong mga ospital ang numero sa COVID -19 admission ug nadumala ang grabe/kritikal nga mga kaso. (ECB/PIA7 Bohol)
