CEBU CITY, Cebu (PIA) – Taliwala sa bagang duot sa katawhan nga modangop sa mga kalihukan sa Sinulog Festival karong tuiga, ang Police Regional Office 7 (PRO7) ug Department of Health Region 7 (DOH7) mipagawas og mga pahimangno alang sa mga deboto ug turista nga modangop sa mga kalihokan sa umaabot nga 460th Fiesta Señor og 2025 Sinulog Festival nga ipahigayon sa Cebu City.
Ang Police Regional Office 7 miingon nga ang gibana-banang kadaghanon sa mga mosalmot og modangop sa mga kalihukan sa Sinulog karong tuiga mokabat ngadto sa 3 ka milyon.

Ania ang mga safety tips ug pahinumdom gikan sa kapulisan alang sa mga kalihukan sa Sinulog:
- Sigurohon nga naka lock ang mga purtahan og bintahan sa mga panimalay sa dili pa molakaw
- Pagbantay sa imong mga butang.
- Ayaw pagdala ug dagkong kantidad sama sa kuwarta,a alahas ug mahalon nga mga gadyet.
- Ayaw pag post sa social media nga walay tawo ang balay aron makalikay nga mabiktima sa pagpangawat
Mao usab kini ang listahan sa mga ginadili nga butang atol sa Sinulog:
- Mga armas
- Mga armas nga bladed/mahait nga mga butang
- Mga backpack ug dagkong mga bag
- Mabuak nga mga sudlanan sa pagkaon ug ilimnon
- Ginadili nga droga ug substansiya
- Mga pabuto o dili awtorisado nga pyrotechnics
- Mga sigarilyo ug mga lighter/masunog/masunog nga substansiya
Samtang, gipaambit usab sa DOH7 ang pipila ka health tips para sa mga deboto nga motambong sa mga religious og cultural activities sa 460th Fiesta Senior ug 2025 Sinulog Festival.
Ang DOH nagpahinumdum sa publiko nga tumanon ang mga musunod nga pahinumdom aron malikayan ang bisan unsang komplikasyon sa kahimsog samtang naglingaw sa kapistahan:
Ang mga “health reminders” nga gipaambit sa ahensya mao ang mosunod.
- Pagsul-ob og komportable nga sinina ug sapatos.
- Pagdala ug kalo ug payong.
- Mahimung updated sa weather advisories gikan sa PAG-ASA.
- Ang mga person with disabilities (PWD) kinahanglang mag-amping ug magmatngon sa pagtambong sa mga kalihokan.
- Alang sa mga adunay co-morbidities, ayaw kalimti ang pag-inom sa inyung mga tambal.
- Ayaw pagtambong sa mga kalihokan kung dili maayo ang inyung pamati.
- Pagdala ug tubig ug snacks.
- Padayon nga ma-hydrated tibuok adlaw.
“Another thing pud is kinahanglan dili nila makalimtan ang ilang ’emergency go bag’ sulod niini ang mga lain-laing butang sama sa extra nga sinina og towel,” sigon ni DOH7 Medical Officer IV Dr. Shelbay Blanco atol sa Kapihan sa PIA program niadtong Enero 14.
“Another reminder also is refrain or minimize eating from unknown sources para malikayan natu ang food poisoning o unsa ba nga kakulian sa panglawas mahitungod sa atong gipangkaon,” dugang ni Blanco.
Ang DOH una nang nipagawas og “code white alert” nga nagmando sa tanang healthcare facilities sa paghatag og medical assistance ug mi -isyu na usab og mga health advisories ug mipakatap og dul-an sa 700 ka mga DOH personnel, 43 medical teams, ug 43 ka medical stations.
Samtang, usa ka deployment force nga gilangkuban sa 3,00 ka mga security personnel ang gipakatap na usab niadtong Enero 8 sa lain-laing lugar diin ang 460th Fiesta Señor ug ang Sinulog Festival ipahigayon.
Ang Sinulog festival maoy usa sa labing dako ug mabulukon nga mga festival sa Pilipinas.Ang maong kapistahan gihimo matag tuig sa ikatulong Domingo sa Enero sa dakbayan sa Sugbo aron pagpasidungog sa balaang bata Sr. Santo Niño.
Kini gisugdan pinaagi sa ‘Penitential Walk with Jesus’ ug Novena Mass niadtong Enero 9.
Ang ubang mga relihiyoso og kultural nga kalihokan mao ang Walk with Mary Procession sa Enero 17, Fluvial Procession ug ang Solemn Foot Procession sa Enero 18, ug ang Sinulog Grand Parade karong Enero 19 nga mobalik sa orihinal nga venue niini sa Cebu City Sports Center pagkahuman sa lima ka tuig
Ug alang sa kompletong listahan sa mga kalihokan sa Sinulog 2024, bisitaha ang Sinulog Foundation website: https://sinulogfoundationinc.com. (RGC/PIA7 Cebu)