SYUDAD SANG ILOILO (PIA) — Mahimo lauman sang mga trabahante sa mga rehiyon sa guwa sang Metro Manila ang dugang sa ila matag-adlaw nga take-home pay sa sa sulod sang tuig nga ini, pahayag sang Department of Labor and Employment (DOLE) sining Miyerkules nga adlaw.
Sa isa ka episode sang Malacañang Insider, ginpakigbahin ni DOLE Secretary Bienvenido Laguesma ang direktiba ni Presidente Ferdinand R. Marcos Jr.’s sadtong Labor Day kaangut sa dugang sa sweldo.
“Noong nakaraang Labor Day, may direktiba ang ating Pangulong Ferdinand R. Marcos Jr. Ang kanyang sinabi to be precise, ‘Kailangan ang lahat ng Regional Tripartite Wages and Productivity Boards (RTWPBs) ay magsagawa ng timely review, 60 days prior to the anniversary date ng mga nakalipas o nakaraang wages order nila,” siling ni Laguesma.
Sadtong Hulyo, gin-aprobahan sang RTWPB-National Capital Region ang P35 nga saka sa matag-adlaw nga minimum nga sweldo sang mga trabahante, nga nagdugang humalin sa P610 tubtub sa P645.
Ginbuyagyag man ni Laguesma ang skedyul sang mga konsultasyon para sa mga rehiyon nagapreparar sang pagpaguwa sang mga wage adjustment.
Ginapaabot nga ang rehiyon sang Calabarzon magahiwat sang konsultasyon sini nga bulan, suno kay Laguesma. Samtang ginsuguran sang Cagayan Valley, Central Luzon, Central Visayas, kag Soccsksargen ang diskusyon sa wage adjustments sang Agosto.
Sini man nga bulan, ginapaabot ang mga RTWPB sang Ilocos region, Western Visayas, kag Zamboanga Peninsula magasugod sang ila mga konsultasyon samtang ang Cordillera Administrative Region (CAR), Mimaropa (Mindoro-Marinduque-Romblon-Palawan), Bicol region kag Eastern Visayas magasugod sang ila konsultasyon sa Oktubre, dugang ni Laguesma.
Samtang ang RTWPBs sang Northern Mindanao kag Caraga natalana magpatigayon sang ila konsultasyon sa Nobyembre.
“Sa madaling salita, lahat ng Regional Tripartite Wages and Productivity Boards sa loob ng taon na ito ay magkakaroon na ng karampatang action doon sa adjustment ng umiirial na minimum wage levels sa kani-kanilang rehiyon,” pahayag ni Laguesma.
Gin-athag ni Laguesma nga ang mga konsultasyon kag diyalogo sa mga tagsakdag sang DOLE ang importante agud mapabilin nga nakahibalo ang ahensya sang mga isyu kag concern nga ginapangatubang sang labor sector. Ginapat-ud man sini nga ginadeliver sang DOLE ang mga serbisyo sini sang maayo. (AAL/LAF/PIA-Iloilo/PND)
