SYUDAD SANG ILOILO (PIA) — Nakapatapos ang Department of Labor and Employment (DOLE) 6 sang mga propesyunal pinaagi sa Special Program for Employment of Students (SPES).
Isa ka pamatuod amo si Mae Anne Tesara, nga subong isa na ka rehistrado nga psychometrician, nga isa sa mga benepisyaryo sang SPES. Iya ginsiling nga ang SPES mahimo nga magpalig-on sang interes maluwas sa nagahatag ini bulig sa mga estudyante para malab-ot ang ila handom.
Sa subong, si Tesara nagatrabaho sa Devteam Outsourcing Inc. bilang Human Resource kag Administrative Assistant.
Nag-umpisa siya nga nangin benepisyaryo sang SPES sang siya yara pa sa senior high school.
Suno sa iya, ang iya pagpalangga sa ubra nagsugod sang siya gin-hire bilang benepisyaryo sang SPES halin 2017, 2018, 2021, 2022 kag 2023 bilang staff sa Brgy. E. Lopez, Silay City kag sa Silay City Public Employment Service Office (PESO).
Ginpakigbahin ni Tesara kung paano ang iya mga eksperyensya kaupod ang DOLE nagpukaw sang iya interes sa human resource (HR).
“The clerical tasks, organizing, filing, and even assisting on a city-wide job fair gave me first hand insight of HR works. It was during that job fair that I found my deep interest in Human Resources – the opportunity to meet diverse personalities and find the right person fit for the job enticed me,” suno sa iya.
Dako man ang iya pasalamat sa SPES bangud ini nangin pamaagi para iya mahibal-an ang iya mga interes.
“SPES wasn’t just a summer job for me; it was an eye-opener that helped me discover the career path that I want to be in. And when I got what I want, I wanted to further my career in Human Resource and I achieved my goal to become a licensed psychometrician,” dugang pa ni Tesara.
Suno sa iya, ang SPES nagbulig sa iya kag sa iya pamilya para mabayaran ang iya mga galastuhan sa pag-eskwela.
“SPES became my lifeline, a source of relief both financially and emotionally. It allowed me to contribute to my education and lessen my parents’ worries about school supplies and fees. SPES was a reminder of how God provides in times of need,” suno kay Tesara.
Bangud sa iya maayo nga track record, siya nakasulod sa Carlos Hilado Memorial State University – Talisay Campus bilang iskolar.
Ugaling ang sakop lang sang iya scholarship amo ang bahin lang sang iya school fees gani kinahanglan pa sang iya mga ginikanan mangita sang paagi para mahatag ang iban pa niya nga kinahanglanon.
Bangud diri, padayon si Tesara nga nangin benepisyaryo sang SPES kung sa diin ang iya sweldo halin sa pag-ubra kada school breaks nakabulig gid sa iya galastuhon sa pag-umpisa sang klase.
Sang 2023, nakatapos si Tesara sang iya kurso nga Bachelor of Science in Psychology.
“Seize every opportunity that comes your way. Opportunities don’t always come around, so when they do, take them seriously and make the most of them. Use them to grow, and never forget to appreciate the journey once you succeed,” bilin ni Tesara. (AAL/AGP/PIA 6 kalakip ang mga balita halin sa DOLE 6)
