SYUDAD SANG ILOILO (PIA) – Bangud ginatan-aw ang Western Visayas nga mangin isa ka Muslim-friendly nga destinasyon sa pungsod, gina-agda sang Department of Tourism (DOT) 6 ang mga negosyo nga pasangkaron ang Halal tourism sa rehiyon.
Sa isa ka episode sang Kapihan sa Bagong Pilipinas (KBP) sang Marso 7, ginpakigbahin sang DOT 6 nga ang Pilipinas nakadihon na sang importante nga mga tikang sa pagpasanyog sang sektor sang Halal tourism.
Ginsambit ni DOT 6 director Crisanta Marlene P. Rodriguez ang Marhaba Boracay nga amo ang naghatag sang palaagyan sa special-use area para sa Muslim travelers kag ila mga pamilya sa Boracay Island sa banwa sang Malay sa Aklan.
Ang ini nga proyekto santo sa katuyuan sang DOT sa pagsakdag sang sustainable kag inklusibo nga turismo kag pagplastar sa entablado sang key destinations kaangay sang Boracay sa bug-os nga kalibutan.
“This underscores the country’s commitment to catering to the growing number of Muslim travelers. As you all know, the Philippines will be hosting the ASEAN Leaders Conference next year and most of our neighboring countries are predominantly Muslims,” siling ni Rodriguez.
Ginpasiguro naman ni Rodriguez nga ang DOT nakatalana na sang paghanas para sa tourism frontliners kag allied services, kaupod ang Department of Science and Technology (DOST).
Ginpunto sang DOT nga sa nahauna nga kwarter, sunod-sunod nga mga paghanas na ang natalana sa Boracay, apang ang pinakamadamo nga mga aktibidad pagapatigayunon sa ikatatlo nga kwarter sang tuig para sa Halal certification kag Muslim-friendly tourism.
“We are also campaigning for the others who are also interested and would like to be able to tap into the Muslim market for Halal and Muslim-friendly tourism. When we say Muslim-friendly, it doesn’t mean the whole hotel will adjust. Only five percent of rooms are required for you to be certified, of course, among other things. [For instance], you need to have the Qibla (compass to indicate the direction for praying), Quran (Islamic sacred book), and designation of prayer rooms,” pagpahangop ni Rodriguez.
Ginpahayag man sang DOT 6 nga isa man sa mga prayoridad sini sa idalom sang Muslim-friendly tourism amo ang mga paluparan kag pantalan, kon sa diin ginatan-aw sang ahensya nga mag-alokar sang lugar para sa prayer rooms. (AAL/AGP/PIA 6)
