DAVAO CITY (PIA) – – Andam na ang sektor sa transportasyon sa nasud alang sa pagdaghan sa mga pasahero atol sa pagsaulog sa All Saints’ Day ug All Souls’ Day ning semanaha.
Sa usa ka press briefing sa Malacañang niadtong Lunes, miingon si Transportation Secretary Jaime Bautista nga ang Department of Transportation (DOTr) ug ang mga ahensya niini mihimo sa tanang kinahanglang preparasyon sa pag-abut sa pagdaghan sa mga biyahero sa mga airport, seaport, ug bus terminal.
“Ang Department of Transportation together with the other attached agencies – ang CAAP (Civil Aviation Authority of the Philippines), and PPA (Philippine Ports Authority), MIAA (Manila International Airport Authority), and Cebu International Airport – we are getting ready for the Undas Biyahe,” matod ni Bautista.
“Every year we have this Oplan Biyaheng Ayos para sa ating mga mananakay. So, ready tayo. Katulong din natin diyan ang Philippine Coast Guard,” dugang niya.
Sumala ni Bautista, “millions” ka mga pasahero ang gilauman nga mobiyahe padulong sa lain-laing probinsya ning semanaha.
“Actually, millions ‘yung tinitingnan natin. Every year naman millions ‘yung estimate natin. Siguro ‘yun lang bus passengers lang natin aabutin ‘yan mga 1 to 1.5 million passengers. Airports and seaports siguro easy diyan mga three million ang magbi-biyahe,” ingon niya.
Miingon si Bautista nga tanang airport ug seaport sa nasud ang operational sa pagkakaron bisan pa sa epekto sa Severe Tropical Storm Kristine.
Apan, ang pipila ka minor seaport sa Regions IV-A ug V ang nasinati og kadaot nga nagkantidad og mga P100 milyon tungod sa bagyo. (Reports and photo from PND/MLU/PIA Davao de Oro)
