TAGBILARAN CITY, Bohol (PIA) – Nipahibalo ang Department of Public Works and Highways Region VII-Central Visayas (DPWH 7) kalabot sa pilot implementation sa pag-file og excavation permits online pinaagi sa Permit Issuance Application (PIA).
Matud pa nga ang test run alang sa aplikasyon alang sa issuance of excavation permit on national roads (District Offices) ug aplikasyon alang sa issuance of excavation permit for utility companies on national roads (Regional Offices) ipahigayon gikan Setyembre 5, 2024 hangtod sa Disyembre 6, 2024.
Alang sa mga aplikante sa Rehiyon 7, mahimo silang moduso sa ilang applications for excavation permits, kauban sa mga gikinahanglang mga dokumento pinaagi sa PIA (https://pia.dpwh.gov.ph).
Ang excavation permit mao ang permit nga ihatag ngadto sa mga kliyente kansang gisugyot nga pagpangubkob o pagkalot nga mga buhat mao ang (a) sulod sa nasudnong Road-Right-Of-Way; (b) sa gawas sa carriageway; (c) adunay kinatibuk-ang gasto sa pagpahiuli nga P500,000.00 ug ubos pa; ug (d) pagsunod sa mga probisyon sa DPWH Department Order (D.O.). (ECB/PIA7-Bohol)
