KALIBO, Aklan (PIA) — Ginpangunahan it Department of Trade and Industry (DTI) iya ro Coastal Clean-up Drive sa Lambingan Beach, Andagao paagto sa Pook Port, Pook, Kalibo, Aklan.
Rayang bueohaton hay kaparte it selebrasyon it Consumer Welfare Month, nga may tema nga “Be Smart, Assert Your Consumer Rights!” sa harang dag-on.
Indi magnabo sa 70 nga mga empleyado it gobyerno, mga opisyales ag katapo it barangay, ag mga representante it mga pribadong nga institusyon ag mga non-government organization ro nag-intra sa coastal clean-up ku Oktubre 17, 2024.
Sa isaea ka paghayag, ginpaathag ni Provincial Director Romel L. Amihan ro importansya it pagpartisipar sa mga buhueaton sa pagpanglimpyo sa komunidad para sa andang mga nasakupan.
“Raya hay isaea sa mga nakalinyadang akitibidad para sa CWM nga naka focus sa right to a healthy environment,” hambae ni Amihan.
Mga basura ag mga higko, kaibahan ro mga plastik ag iban pa nga mga basura ro mga nakolekta sa ginhiwat nga pagpanglimpyo.
Nagpasaeamat si Amihan ag ging-engganyo man nana ro tanan nga indi raya mangin isaea ka adlaw eang nga pagtinguha. Ro pagtatap sa palibot hay isaea ka responsibilidad nga dapat daehon it kada isaea kada adlaw.
“Ang aton advocacy hindi lang dapat mag end sa CWM Celebration ang ini nga cleanup drive,” hambae nana.
“Ang ini nga initiative hay very doable gid,” ana pa nga gindugang.
Rayang aktibidad hay tuyo nga mag-inspirar it maeawig nga mga pagbag-o sa pamatasan sa komunidad, nga naga-engganyo sa tanan nga buhinan ro basura ag mag-intra sa inisyatibo sa pagpanglimpyo. (AGP/SQP/PIA-Aklan)
