SAN JOSE, Antique (PIA) – Panibag-o nga groundbreaking ceremony ang ginpatigayon para sa dugang nga pasilidad sa University of the Philippines Visayas (UPV) Extension Facility sa Pandan, Antique.
Dya gintambungan nanday Sen. Loren Legarda, mga lokal nga opisyales, kag kang komunidad sa UPV nga ginpangunahan ni Chancellor Clement C. Camposano.
Si Municipal Mayor kang Pandan, Antique Tomas U. Estoperez, Jr. nagpasalamat kang bahol sa mga opisina kang gobyerno nga nagsuporta sa amo nga proyekto.
Dya nga proyekto nagabalor kang P30 milyones nga halin sa FY 2024 General Appropriations Act.
Dya darwa ka panalgan nga edipisyo nga ginalakipan kang function hall, lobby, audio-visual room, kag public comfort rooms.
Si engineer Bernadette Betsy B. Uy, District OIC Engineer sang Department of Public Works and Highways (DPWH) Antique District Engineering Office, nagtambong sa amo nga okasyon bilang katal-us ni DPWH 6 Director Sanny Boy O. Oropel.
Ginpasalamatan man ni Camposano ang mga lokal nga opisyales kag ahensya kang gobyerno nga nagabulig agud makaserbisyo sa karakuan kang UPV Visayas.
Dya nga lihuk ginasuporthan gid ni Legarda tungod para kana ang unibersidad isara ka importante nga institusyon nga nagatudlo sa mga kabataan tuhoy sa pag-amlig sa dunang manggad kag palibot. (AGP/PSM/PIA Antique)
