DUMAGUETE CITY, Negros Oriental (PIA) – Giplano sa lokal na kagamhanan siyudad ang pagtukod sa usa ka bag-ong balay tambalanan adto sa luna nga gihatag sa Philippine Tuberculosis Inc., (PTSI) sa dakbayan.
Gihatag sa PTSI sa kagamhanan sa dakbayan ang usa ektaryang luna niini sa Barangay Talay kon asa natukod ang Dumaguete City TB Pavilion.
Gisaksihan sa mga lokal na opisyal sa dakbayan ug sa PTSI ang ang paglagda sa deed of donation kaniadtong ika-9 sa Agosto didto sa City Hall.
Mipasalamat si Mayor Felipe Remollo sa PTSI alang sa pag-donate sa PTSI niining luna.
Gipadayag sa mayor nga prayoridad sa kagamhanan ang pagsiguro sa maayong kaluwasan ug paghatag og ensaktong serbisyong medikal sa mga taga-Dumaguete mao nga gipanghingusgan sa lokal na kagamhanan ang pagtukod ug mga dugang na balay tambalanan.
“I’m so blessed with this donation. Thank you for your full support of all the directors of the PTSI. We will treasure the donation and this will be a big contribution to the betterment of our health of our constituents of Dumaguete, Negros Oriental, and nearby LGUs,” matod ni Remollo.
Matod sab ni Dr. Camilo Roa, presidente sa PTSI, niuyon usab sila plano sa lokal na kagamhanan mao ilang gi-donate ang maong luna sa syudad.
“It makes sense to give it to the city because in TB, comprehensive ang treatment. It’s not just TB itself that we have to attack, we have to attack other things in health like diabetes. Pag-diabetic ka, malaki ang chance na magka-TB,” matod ni Roa.
Nisaad usab ni Roa na mohatag sab ang PTSI og modernong x-ray machines ug ekipo na makatabang usab sa pag-detect sa nagkadaiyang klase sa TB.
Subay niini, gipanghingusgan sa PTSi ang kampanya batok TB.
“Kami sa PTSI ang among specialty patyon gud ang kagaw na gitawag na TB. Importante ning higayon kay kining balay-tambalanan na ituman ni Mayor Ipe, sugdan na nato,” matod ni former Sen. Teofisto “TG” Guingona na mao karon chairperson sa legal concerns committee sa PTSI. (RAL/PIA7-Negros Oriental)
