SYUDAD SANG ILOILO (PIA) – Isa ka Eco Forum nga may titulo “People, Parks, Pavements, and Palate” ang ginhiwat sang Iloilo City Government kaupod ang SM City Iloilo sang nagligad nga Setyembre 6, 2024.
Ang forum, nga gintambongan sang masobra 250 ka mga stakeholders, lakip na ang mga estudyante, nagalaum nga mapabakod mangin tayuyon anga pag-uswag sang syudad.
Tinutuyo man sang programa nga mapalapnag kag mapabaskog pa ang mga inisyatibo sang syudad angut sa mga environmental concern.
Sa iya mensahe, ginpakigbahin ni Mayor Jerry P. Treñas ang dako nga nabulig sang public-private partnership sa mga proyekto sang syudad para sa mas sustinable nga syudad sang Iloilo.
“It is crucial that we come together to discuss our collective efforts in promoting environmental sustainability and preserving cultural heritage. From infrastructure enhancements to social programs, from environmental conservation to economic empowerment, we have embarked on a range of initiatives aimed at building a resilient and inclusive city,” pahayag ni Treñas.
Ginpakigbahin naman ni Hans Sy Jr., president sang SM Engineering Design and Development Corp. ang pila ka inisyatibo sang ila kompanya, lakip na ang green practices sini, kung sa diin ini ang nakabulig man sap ag-uswag sang komunidad, pareho sang syudad sang Iloilo.
“We take advantage of opportunities like this to be able to give back to the community what we also learned for years. We are firm believer that it is easier when someone helps you and the more people become better, the happier our society will be,” siling ni Si.
Ang forum nagpakita man sang mga paghinun-anon nahanungod sa Sustainable Tourism, Heritage Parks kag Public Spaces nga ginpakigbahin ni Neil Solomon Locsin, charman sang Negros Occidental Historical Council; Sustainable Transport, Green Sidewalks kag Active Mobility ni EnP Roxanne C. Yap sang NEDA-6; Sustainable Solutions kag Circular Economy sa Industriya sang Pagkaon ni Gian Carlo Luna; kag Green Building Innovations nga gintalakay ni Engr. Liza Silerio. (AAL/JNH/PIA Iloilo)
