ILIGAN CITY (PIA) — Malinawon ang gipahigayon nga 2025 midterm elections dinhi sa dakbayan base sa pahayag sa Iligan City Police Office (ICPO) Acting Director, Police Colonel Jerry Tambis.
“We are very happy nga peaceful gyud ang atong pagpahigayon sa election diri sa Iligan City. May mga intensive tayo na preparation na ginawa, pina-intensify natin ‘yong conduct ng checkpoint para safety gyud ang atong mga katawhan diri sa syudad sa Iligan,” matud niya.
Adunay gamay nga insidente nga nahitabo sa Purok PTH, Barangay Dulag diin usa ka kagawad ug botante ang nabikil. Apan dali kini nga napakalma sa mga personnel nga naka-duty sa Dulag Elementary School, ug gilayon nga gitabangan sa QRT personnel. Nagkasabot ang duha ka panig nga sulbaron ang maong isyu pinaagi sa ilang Tribal Beliefs ug Barangay settlement.
Gipasabot ni Tambis nga ang maong insidente wala nakaapekto sa kinatibuk-ang kahimtang sa kalinaw ug kahapsay sa dakbayan atol sa eleksyon.
Gireport usab sa ICPO nga daghan ang nadakpan tungod sa kalapasan sa Comelec Gun Ban, apan wala pa gihatag ang eksaktong ihap.
Sumala sab ni Tambis nga hapsay ug disiplinado ang katawhan sa Iligan bahin sa pagpatuman sa Liquor Ban.
“Regarding po sa Liquor Ban, before nakabalo ang atong katawhan, aware na sila nga naa’y Liquor Ban. So, during conduct ng patrolling visibility, nakita nato nga ang atong katawhan sa Iligan City, behave kaayo,” dugang niya. (LELA/PIA-10/Lanao del Norte)
