Georgia

No. of :

No. of Shares:

Currently viewed by: Marcus Rosit

CTG affected barangay sa Guipos, nakapahimulos sa libre nga skills training

Isip pagsuporta sa Executive Order (EO 70) ni Presidente Rodrigo R. Duterte nga nagpahimutang sa gitawag nga 'whole-of-nation approach' sa pagkab-ot sa malungtaron nga kalinaw sa nasud, gipatuman sa nasudnong kagamhananan ang usa ka training induction program ning bag-o pa lang sa Brgy. Datagan, Guipos, Zamboanga del Sur.

Ang maong pagbansaybansay gidumala sa  sa Technical Education, Skills and Development Authority (TESDA),  Zamboanga del Sur pinaagi sa Poverty Reduction, Livelihood and Employment Cluster (PRLEC) sa Regional Task Force to End Local Communist Armed Conflict (RTF-ELCAC).

Ilawom sa maong programa, 24 ka mga benepesyaryo gikan sa kanhi Communist Terrorist Group (CTG) affected barangay nakapahimulos sa libre nga skills training sa Shielded Metal Arc Wielding (SMAW) NC-I, ilawom sa 2021 Training for Work Scholarship Program, ug Masonry NC-I sa 2020 TWSP Balik Probinsya, Bagong Pag-asa (BP-2) ug gipatuman sa  Provincial Training Center (PTC-Pagadian).

Si Punong Barangay Felix Taping nagpahayag sa iyang pasalamat sa tabang nga gihatag sa gobyerno sa ilang barangay. Dako ang iyang paglaum nga mouswag ang panginabuhian sa mga benepesyaro sa skills nga nakat-onan sa TESDA.

Matud pa ni Jelme Anoos, 31 anyos ug usa sa mga benepesyaryo sa SMAW skill training mipahayag nga bisan usa sa siya ka babaye apan interesado siya sa pagkakat-on sa skills sa welding.

“Dili lang hangtud sa mga trabaho sa balay akong himoon apan gusto ko nga makahibalo sa pag-welding aron aduna akoy inadlaw-adlaw nga abot ug makatabang ako sa akong pamilya,” magarbuhong pahayag ni Anoos.

Matud pa niya nga ilang ipasigarbo sa mga katawhan sa ilang lungsod nga bisan sila mga babaye, apan mahimo nila ang mga lisod nga trabaho sa mga lalaki.

Gipahayag usab ni Estelita Evedientes, 35 anyos ug usa sa mga bepenepesyaryo sa masonry nga mipailawom siya sa maong skills training aron makatabang siya sa iyang bana sa ilang pagtukod ug balay.

“Gusto ko nga makatimbang sa akong bana pagtukod namo puhon ug balay aron dili na kami mosuhol ug mga tawo sa pagsemento niini,” pahayag ni Evedientes.

Gidugang pa niya nga dako kaayo ug ikatabang kanila nga mga babaye ang nakat-onan nila nga skills aron dili lang sila magpuyo sa balay hinoon ila kining magamit kun ugaling adunay mga tawo nga nagkinahanglan sa ilang serbisyo.

Sa pagkakaron nagplano na ang mga benepesyaryo nga maghimo ug kooperatiba aron makapahimulos sila sa mga tabang sa mga nagkadaiyang ahensya sa gobyerno sama pananglit sa pagkaangkon sa starter kits ug magamit na nila sa husto ang ilang nakat-onan nga skills.

Ang mga benepisyaryo nakadawat ug Health PPE ug 50% sa ilang adlaw-adlaw nga allowance gikan sa TESDA.(RVC/GCC/PIA-Zamboanga del Sur/20210819)

About the Author

Gideon Corgue

Writer

Region 9

Feedback / Comment

Get in touch