Georgia

No. of :

No. of Shares:

Currently viewed by: Marcus Rosit

Paglalakbay ng Pawikan patungo sa Kawalan, isa nang aklat

Paglalakbay ng Pawikan patungo sa Kawalan, isa nang aklat

Aklat na ang isang kwento kung saan itinuturo nito ang pangangalaga at pagprotekta ng mga pawikan sa Palawan sa pagtutulungan ng Alimanguan Sagip Pawikan, Palawan Council for Sustainable Development (PCSD), Lokal na Pamahalaang Bayan ng San Vicente, Department of Environment and Natural Resources (DENR) at ng iba pang organisasyon at mga lokal na komunidad. (Larawan mula sa San Vicente Information Office)

"Sa isang maaraw na umaga malapit sa pampang, may isang pawikan na naghahanda nang mangitlog. Dahan-dahan itong gumapang papunta sa pampang kung saan makakapaghukay siya nang malamim para pangitlugan.

Dali-dali siyang humukay hanggang sa maaabot ng kanyang mga palikpik.

Pagkatapos ng kanyang paghuhukay ay sinimulan niya nang mamugad at dahan-dahang inilabas ang kanyang pinakaiingatang mga supling sa loob ng kani-kanilang mga egg shell.

Tatlong beses siyang umire na nagresulta naman sa dalawang-daang itlog.

Agad na tinabunan ng pawikan ang kanyang mga itlog upang maprotektahan ang mga ito laban sa mga potensiyal na panganib habang siya ay babalik na sa dagat upang mamahinga.

Pagkatapos nito ay iiwanan na ng pawikan ang lanyang mga itlog. Maaaring hindi na sila magkita pang muli.

Samantala, habang sila ay nasa loob ng kanilang egg shell ay agad nang nanganganib ang mga maliliit na pawikan.

Banta ng ibang hayop tulad ng aso, bayawak at mga tao tulad ng mangangaso, at iba pang iligalista ay maaaring makadiskubre sa kanilang kinaroroonan at kunin ang mga ito.

Subalit, kapag nagtagumpay na nakumpleto ang kanilang siklo ay handa na silang lumabas sa kani-kanilang shell sa loob ng anim na linggo hanggang dalawang buwan.


Tumatagal ng tatlo hanggang limang araw ang paglabas ng mga ito sa kani-kanilang shell at tulong-tlong na lalabas sa buhangin na itinabon sa kanila ng kanilang nanay.

Agad-agad silang gagapang papunta sa dagat at hahayaang anurin ng tubig-alat hanggang sa makarating sa malalim na parte ng karagatan.

Dito na magsisimula ang kanilang ‘lost years’ o ang kanilang patuloy na paglibot sa karagtan hanggang sa sila ay lumaki at handa nang bumuo ng kanilang sariling pamilya.

At mula rito, panibagong siklo at henerasyon ng mga pawikan ang magpapatuloy ng kanilang buhay."

Ito ang nilalaman ng kwentong aklat na may pamagat na ‘Paglakbay ng Pawikan tungo sa Kawalan’ na pinagtulugang i-publish ng Alimanguan Sagip Pawikan, Palawan Council for Sustainable Development (PCSD), Lokal na Pamahalaang Bayan ng San Vicente, Department of Environment and Natural Resources (DENR) at ng iba pang organisasyon at mga lokal na komunidad.

Ipinapakita ng aklat na ito ang ang pagprotekta sa populasyon ng mga pawikan tulad ng pag-rescue ng mga naligaw na pawikan, paggawa ng mga bakod-proteksyon sa kanilang mga itlogan, pagsagawa ng turtle release activities at iba pang tulong proteksyon sa mga ito.

Layon ng aklat na ito na maimulat ang lahat ng mga mambabasa lalong-lalo na ang mga kabataan sa pangangalaga ng pawikan at kahalagahan ng mga ito sa karagatan.

Ang pawikan ay tinuturing na endangered species ayon sa International Union for Conservation of Nature’s Red List.

Ang nilalaman ng book story na may pamagat na 'Paglalakbat ng Pawikan tungo sa Kawalan' na ni-layout ng Palawan Council for Sustainable Development (PCSD) Para sa lokal na pamahalaan ng bayan ng San Vicente. (Larawan mula sa San Vicente Information Office)

Kaya, hanggang sa muling pag-ahon ng mga pawikan ay nakahanda ang Alimanguan Sagip Pawikan, PCSD, DENR ang mga lokal na pamahalaan, iba pang organisasyon at ang mga lokal na komunidad na protektahan ang mga ito.

Sa susunod na paglitaw ng mga pawikan, pasulong ang buhay ng mga ito sa Palawan para sa mundo. (OCJ/PIA-MIMAROPA, Palawan)

About the Author

Orlan Jabagat

Writer

Region 4B

Feedback / Comment

Get in touch