MAMBAJAO, Camiguin (PIA)– Sa pagpalig-on sa kapabilidad sa pagresponde sa emerhensiya sa lungsod, ang Lokal nga Pangagamhanan sa Mambajao, pinangulohan sa Municipal Disaster Risk Reduction and Management Office (MDRRMO), nipahigayon og pagbansay sa pagdumala sa mga kritikal nga insidente sa Mambajao Session Hall, Disyembre 8.
Ang kalihokan nagtumong sa pagsangkap sa mga first responder sa kahibalo ug kahanas nga gikinahanglan aron epektibo, tukma, ug paspas nga pagtubag sa mga kritikal nga insidente. Ang pagbansay naglangkob sa sukaranan nga mga prinsipyo nga magamit sa lainlaing mga insidente, pagpreserba sa eksena sa krimen ug proteksyon alang sa mga first responder, ingon man ang function sa forensic chemistry, nga nagpasiugda sa kamahinungdanon sa pagsulbad sa mga kaso sa ilegal nga droga.
“Nahimugso ni siya nga training tungod kay nahisgutan namo ni Mayor Yggy nga nagsugod na ang mga kritikal nga mga insidente diri sa atoa sa Mambajao,” matod ni Mambajao Local Disaster Risk Reduction and Management Officer Raquel Ranara.
Sa pag-ila sa lungsod isip kaulohan sa probinsiya, nga adunay konsentrasyon sa mga negosyo ug mga kalihokan, ang LGU naghatag og gibug-aton sa kamahinungdanon sa pagkaandam pag-ayo alang sa mga potensyal nga emerhensya.
Sa pagpasiugda sa mga hagit nga giatubang sa mga police station, si PMaj Gumer Ladera, force commander sa Camiguin Provincial Mobile Force Platoon, miingon, “Tungod sa kakulang sa atong personahe sa Mambajao, ang population ratio sa pulis kay 1 is to 1,059 unya sa atong police station karon, naa ta’y 20 ka gamit nato sa pag-duty kay uban nag-schooling.Sa isa ka adlaw, naa’y napulo ka PNP ang muresponde.”
Gihatagan og gibug-aton ni Ladera ang panginahanglan alang sa epektibo nga mga estratehiya sa pagtubag tungod sa kadaghan sa populasyon ug sa lain-laing mga insidente nga ilang nasugatan.
Ang highlight sa pagbansay naglakip sa simulation exercises nga gipahigayon sa Mambajao Municipal Grounds. Kini nga praktikal nga mga senaryo nagtugot sa mga partisipante sa paggamit sa kahibalo nga nakuha sa panahon sa pagbansay, pagsiguro sa usa ka hands-on ug immersive nga kasinatian sa pagkat-on.
“Ang natun-an nako karon sa kini nga training, about sa safety ug recovery, ug mapasalamaton pud ko nga nakatuon mi ani nga training karon,” matod ni Public Order and Safety Office Team Leader Romeo Abao.
Isip usa sa mga partisipante, si Abao nipadayag og pasalamat sa maong training. Partikular niyang giila ang kamahinungdanon sa pagbansay sa Special Weapons and Tactics (SWAT) o Special Operations Command (SOCO), nga nagpasiugda sa paggamit niini sa mga senaryo sa aksidente sa trapiko.
Ang pasalig sa LGU Mambajao sa pagpausbaw sa mga kapabilidad sa pagtubag sa emerhensya makita pinaagi sa mga inisyatibo, pagsiguro sa kaluwasan ug kaayohan sa komunidad atubangan sa nagkalain-laing kritikal nga mga insidente. (RTP/PIA-10/Camiguin)
Ang Municipal Disaster Risk Reduction and Management Office nagpahigayon ug pagbansay-bansay sa pagdumala sa mga kritikal nga insidente sa Mambajao SB Session Hall niadtong Disyembre 8, 2023, aron mapausbaw ang kapabilidad sa pagtubag sa emerhensiya sa lungsod. (Hulagway: JME/PIA-10/Camiguin)
