SYUDAD SANG ILOILO (PIA) — Nagalab-ot sa 5,000 ka mga persons deprived of liberty (PDLs) ang ginalauman nga mapahilway sa nagapalapit na nga paskwa sa idalom sang administrasyon ni Presidente Ferdinand R. Marcos Jr.
Ginpahayag ni BJMP chief Jail Director Ruel Rivera sa is aka news forum nga ang ini nga mga PDLs ang magahilway paagi sa Good Conduct and Time Allowance (GCTA).
Sa idalom sang Republic Act 10592, ukon Good Conduct and Time Allowance law, ini ang nagapalip-ot sang tini-on sang mga PDLs sa prisohan nga nagapakita sang maayo nga pamatasan, gani sila ang pagasugtan nga mabuy-an sing temprano.
Suno man sa impormasyon sang BJMP,nagsiling si Rivera nga nangin madinalag-on ang pagpatuman sang court orders nga nagresulta sa paghilway sang kapin 74,000 nga mga PDLs halin sang Enero tubtub Oktubre sini nga tuig.
Si Rivera ang nangin bista sa isa ka weekly forum kaupod si Associate Sandiganbayan Justice Karl Miranda kun sa diin gindiskusyunan ang paghiwat sang National Jail Decongestion Summit sa Disyembre 6-7.
Sa bahin ni Miranda, ang nasambit nga summit ang pagabuylugan sang Supreme Court (SC), Department of Justice (DOJ) kag Department of Interior and Local Government (DILG) agud makadihon sang whole-of-government nga stratehiya sa pag-alintun sang problema tuhoy sa pagutok sang mga prisohan.
“What the Justice sector aims to do is to come together to coordinate and address common problems faced by the justice sector agencies. Ang end-goal po nito is to speed-up the delivery of swift and fair justice,” mensahe ni Miranda.
Dugang pa, ang summit magatalakay man sang paghatag solusyon sa mga problema sa mga karsel kaangay sang kakulangan sa pasilidad, kag pagtaas sang mga ginadakop kag ginapreso. (AAL/LMLE/PIA Iloilo/PND)
