SYUDAD SANG ILOILO (PIA) — Ginaplano sang gobyerno nga i-replicate ang job fair nga gin-organisar sang Department of Labor and Employment (DOLE) kag sang job-finding platform JobStreet agud mapaayo ang oportunidad sa empleo sa pungsod, ilabi na sa kaprobinsyahanan.
Ginpalayag ini ni Presidente Ferdinand R. Marcos Jr. sang Enero 29 sa tion sang karon nga tuig nga Jobstreet Career Con, nga gintawag “Creating Connections You Seek,” sa SMX Convention Center sa syudad sang Pasay.
Ginpahayag sang Presidente nga ang job fair isa sa gihapon ka pilot project kag gindugang nga ang DOLE magapatigayon sang kasubong nga mga kahiwatan sa iban pa nga mga lugar kung ang resulta ang positibo. Ini nagakahulugan nga ang mga aplikante sa trabaho indi na kinahanglan nga magkadto sa Manila ukon Metro Manila agud ma- avail nila ang mga serbisyo nga ginatanyag.
“Pag nakita natin na marami tayong nailagay, naipuwesto sa magagandang trabaho — iyon nga ‘yung aking nabanggit na mga quality jobs – kapag nakita natin ipapagpatuloy po namin itong programang ito,” siling sang Presidente.
Gin-organisar sang Jobstreet katuwang ang DOLE, ang duha ka adlaw nga Career Con nagatuyo nga tingubon ang employers kag job seekers. Ini nga kahiwatan nagatuga sang platform nga magatukib sang mga bag-o nga oportunidad, maghimo sang makahulugan nga koneksyon, kag magatalakay sang palaabuton nga empleo.
Gin-report sang mga organizer nga malapitlapit sa 18,000 ka job seekers, kalakip ang mga bag-o nga naggradwar kag eksperyensyado nga mga propesyunal ang nagparehistro sa kahiwatan.
Ang mga nagapasakop nga mga employer ginabug-usan sang mga nagkalainlain nga mga kumpaniya kalakip ang SM Retail, Acquire, Philip Morris, TeleTech, Techno Global Team, Flash Express, Cardinal Health, Accenture, Nestlé, Meralco, Petron, Metrobank, JPMorgan Chase kag Federal Land. (AAL/LAF/PIA6-Iloilo/PND)
