Usa ka kabalak-an alang sa tibuok nasud ang problema sa Mindanao, ug siguruhon sa gobyerno ang kalampusan sa bag-o nga natukod nga Bangsamoro Autonomous Region in Muslim Mindanao (BARMM), matod pa ni Presidente Ferdinand R. Marcos Jr. atol sa unang BARMM Local Legislative General Assembly sa Davao City niadtong Martes.
Sa iyang pakigpulong atol sa pagtapok, giingon sa presidente nga iyang gituyo ang pag-adto sa Davao City bisan pa man sa iyang eskedyul nga pagbiyahe paingon sa San Francisco, California niadtong Martes sa gabii, isip paghisgot sa kahinungdanon sa assembly dili lamang sa BARMM apan usab sa tibuok Pilipinas.
Dugang sa pangulo, tungod sa activation sa tanang pito ka mga mekanismo sa Inter-governmental Relations Body, adunay pito ka buhatan nga karon gihiusa nga magsilbing sukaranan alang sa tanang mga polisiya, tanan nga mga balaod nga ihikay sa parlamento, bisan ang mga balaod ug regulasyon kung giunsa pagpatuman sa ehekutibo kining mga balaodnon, mao kini ang mga balaod nga ipatuman sa parlamento.
Kini, matod pa niya, ang sinugdanan sa maong proseso sa pagmugna sa mga institusyon nga kinahanglanon aron malikayan ang pagsalig lamang sa usa ka grupo o pipila ka indibidwal. Nagpahibalo ang presidente nga ang tumong mao ang institusyonalisasyon sa mga programa ug inisyatibo sa BARMM.
Nakadepende ang gobyerno sa mga institusyon nga padayong molihok bisan unsa pa man ang mahitabo sa natad sa politika. Dili kini usa ka pagpaningkamot nga nahitabo lamang sa BARMM, matod ni PBBM.
Kini usab usa ka proseso nga giendorso, gipasiugda, ug gidasig sa nasyonal nga gobyerno aron palig-onon ang mga institusyon. Apan atua didto matod pa ang dalan ngadto sa luwas, progresibo, ug lig-on nga kaugmaon.
Ang nasodnong gobyerno ug gobyerno sa Bangsamoro karon adunay mas dakong kooperasyon, koordinasyon, ug pagsinabtanay uban sa pagtukod niining mga buhatan, dugang pa sa lider sa nasod. (HJPF – PIA SarGen)
