SYUDAD SANG ILOILO (PIA) — Ginlagdaan sang probinsya sang Guimaras kaupod ang Securities and Exchange Commission (SEC) ang isa ka kasugtanan tuhoy sa investor protection kag financial literacy nga ginhingadlan “SEC Communication, Advocacy and Network” (SEC-CAN).
Ginpangunahan ni Gov. JC Rahman A. Nava kag SEC Director II Atty. Ma. Cristina T. Montelibano ang paglagda sang MOA sang September 4, 2024.
Kabahin sa ini nga inisyatibo ang pagpagpakig-away batok sa mga scam sa pagsulod sa negosyo, pagtudlo sa mga investors kag pagpasanyog sang financial literacy sa probinsya.
Nalakip man sa proyekto ang pagpalapnag sang mga information materials, paghiwat sang training kag iban pa nga mga hilikuton nga maka-bulig sa SEC sa pag-flag sang mga scam sa pamuhunan kasubong sang pagpaalintun sang nagakaigo nga impormasyon sa mga makaduluda nga mga negosyo, monitor kag report sang mga investment-taking acts, kag pagpatigayon sang tingub nga operasyon sa sulod sang probinsya agud maproteksyunan ang mga investors. (AAL/LMLE/PIA Iloilo)
