SYUDAD SANG ILOILO (PIA) — Bilang pag-amlig sa mga residente batok sa sobra nga kainit sang panahon, ginpangunahan sang gobyerno probinsyal ang pagpatigayon sang Minimum Public Health Standards for Hazardous Heat Index (MPHS-HHI).
Sa isa ka Executive Order nga ginlagdaan ni Gov. Arthur Defensor, Jr., ginmandoan ang pagpatukod sang mga HHI evacuation centers sa mga kabanwahanan kag mga barangay.
Dugang pa, may gin-aman nga pinansyal nga bulig para sa mga kabanwahanan nga naglab-ot sa P100,000 kag P25,000 naman para sa mga barangay.
Ang mga pampubliko nga kahiwatan, mga hilikuton sa guwa, kag mga iskedyul sa trabaho ang iga-regulate base sa lebel sang heat index agud malikawan ang mga balatian nga may kaangtanan sa init.
Sa idalom sang direktiba, ginahingyo ang mga pumuluyo nga sundon ang mga tikang sa kaluwasan, magpabilin nga hydrated, kag limitahan ang paglagaw sa sagwa kon ang temperatura maglab-ot sa makatalagam nga lebel. (AAL/LMLE/PIA Iloilo)
