TAGBILARAN CITY, Bohol (PIA) – Nadepensahan sa Hibatang Paddlers sa Calbayog City and ilang korona isip champions sa bag-o lamang nga gitapos nga Sandugo Bohol DragonBoat Festival Ultimate Dragon boat Race pinaagi sa pagpanguna sa duha ka kategorya sa lumba, pagkuha sa usa ka ikaduhang pwesto sa usa ka kategorya ug laing duha ka itatulong pwesto sa lima ka kategorya nga lumba.
Kini samtang agresibo nga giduso sa Bohol ang aqua-sports tourism isip lain na usab nga tinubdan sa kahinguhaan sa mga katawhan nga nangandoy nga matigayun sa ilang pagpanikaysikay sa kinabuhi.
Didto sa pito ka sunodsunod nga mga heats nga giapilan sa mga dragon boat teams nga mingsalmot sa deagonboat festival race, nabugsay sa Hibatang paddlers ang unang pwesto sa Open Small Boat Category human sa pagbugsay sa kapin sa tulo ka kilometro, diin 1.7 kilometros niini, bugsay-arangkada sa 8 minutos ug 48.54 segundos.
Nakuha usab nila ang Masters Small Boat Mixed Category first place sa kinamub-an nga oras nga 6 minutos, 46.28 segundos sa lumba sa mga karaang mamugsayay nga babae ug lalaki nga dragonista ng mamugsayay.
Ikaduhang pwesto usab ang Hibatang Paddlers sa 6 minutos, 24.29 segundos sa Masters Open Small Boat Category, ug ikatulong pwesto ang ilang team sa Women Small Boat Category sa oras nga 9 minutos 43.85 segundos, ug sa Mixed Standard Boat sa oras nga 7 minutos, 49.72 segundos, alang sa kinatibuk-ang puntos nga 75.
Ang mga mananaug mao ang mosunod: Women Small Boat Category; 1st Barangay Carmen Dragon Boat Team sa Cagayan de Oro, (9:40.40); 2nd Dumaguete Yellowfins (10:06.46); 3rd Hibatang Paddlers 9:43.85.
Sa Open Small Boat Category: 1st ang Hibatang Paddlers (8:46.54); 2nd and Primary Homes sa Bohol (8:45.35); 3rd Barangay Carmen Dragon Boat Team sa Cagayan de Oro (8:51.82).
Sa Mixed Standard Boat: 1st ang Dumaguete Yellowfins (8:04.76); 2nd Barangay Carmen Dragon Boat Team (7:48.65); 3rd Hibatang Paddlers (7:49.72).
Sa Masters Mixed Small Boat: 1st Hibatang Paddlers (6:46.28); 2nd Dumaguete Yellowfins (6:46.94); 3rd Primary Homes sa Bohol (6:52.69); 4th Barangay Carmen Dragon Boat Team (6:54.35).
Sa Masters Open Small Boat Category: 1st ang Dumaguete Yellowfins (6:12.96); 2nd ang Hibatang Paddlers, Barangay Carmen Dragon Boat Team (6:32.01); 4th Primary Homes sa Bohol (7:02.14).
Tungod sa ilang pagpakita permi sa katakus, nahukman sa mga hurado ug katawhan ang lumba diin ang Champion Hibatang Paddlers, 1st Runner Up Barangay Carmen Dragon Boat Team; 2nd Runner Up Dumaguete Yellowfins; 3rd and Runner Up nga Primary Homes, ika upat soi Arko Dragon sa Dumaguete City samtang gisundan siya sa (5th Runner Up) nga ang SAG1. (RAHC/PIA Bohol)
