TAGBILARAN CITY, Bohol (PIA) – Gitapos ni Police Col. Lorenzo Alfeche Batuan ang duha ka tuig nga termino isip labing taas nga opisyal sa kapolisan sa Bohol bitbit ang garbo sa lider nga nakapakita sa duha ka kamot sa kagamhanan.
Sa labing dayag nga operational accomplishment highlight, ilawom ni Batuan nagpakita sa isug nga kamot sa balaod, dihang napahagsak niini ang nahibilin nga kamada sa armadong pundok sa mga rebelde, sa engkwentro didto sa Campagao Bilar nga nagpalubong sa liderato sa mga New People’s Army sa Bohol.
Sa administrative accomplishment, o sa maluloy-on nga kamot sa kagamhnan, labing dayag nga accomplishment ang pagturn-over sa 36 na ka libreng alagad ug balay (LAB) alang sa mga law-abiding Boholanos.
Kini ubos sa pakigtambayayong sa banay nga Aumentado ug mga kapulisan nga nagtampohay sa ilang tabang uban usab sa pangalagad sa mga katawhan ug opisyales sa kalungsuran.
Mismo si Police Regional Director Police Brig. Gen. Anthony Aberin ang mingtaud sa Medalya ng Kasanayan ngadto kang outgoing provincial director kinsa minglingkod sa pwesto sa Bohol Police Office Oktubre 21, 2022, hangtud nahuman niya ang duha ka tuig nga tour of duty sa Bohol.
Sa laing bahin, gitunol ni Batuan ngadto sa bag-ong Bohol provincial director Police Col. Ariel Banzon ang command flag, inventory of properties ug plans and programs brochure, isip sunod nga provincial commander sa Bohol Philippine National Police, atubangan sa tanang mga hepe sa kapolisan sa Bohol ug mga opisyales sa Kampo Dagohoy.
Si Aberin ngadto ni Banzon, mihagit sa bag-ong hepe nga kon dili man malabwan ang accomplishment ni Batuan, bisan na lang matupngan.
Si Aberin, mipadayag sa mga Bol-anon nga siya misaligon usab kang Banzon, kinsa iyang gikauban sa regional office sa usa ka tuig ug unom ka buwan, nga iyang gipaabut ang way puas nga pag-pangulo sa kampanya batok sa illegal drugs, criminality, POGO, ug uban pang criminal elements.
Full adherence sa police operational procedures, kini usab ang mandu ni Aberin ngadto sa mga elemento sa kapolisan ubos na karon ni Banzon. (RAHC/PIA7/Bohol)
