IFEX Philippines pagahiwaton sa Mayo 22-24

SYUDAD SANG ILOILO (PIA) — Ginaagda sa karon ang mga Micro, Small and Medium-sized Enterprises (MSMEs) sa rehiyon nga magpasakop sa IFEX Philippines, ang tuigan nga International Food, Beverage kag Ingredients Trade Show nga pagahiwaton sa May 22-24, 2025 sa World Trade center, Metro Manila.

Ang ini nga hilikuton nga ginapangunahan sang Center for International Trade Expositions and Missions (CITEM) nga napaidalom sa Department of Trade and Industry (DTI) may tinutuyo sa pagdiskubre sang mga bag-uhanon nga produkto, serbisyo, strategic partnerships, kag mangin plataporma agud mapasanyog ang mga kahigayonan sa pagbaligya, mapa-lokal ukon internasyunal man nga mga produkto.

Natalana ang mga nagkalain lain nga mga aktibidad kasubong sang exhibits, business matching, conference, sustainability solutions exchange, kag special functions.

Nalakip man sa kahiwatan ang Grocer’s Exchange Mart (G-Mart), Flavor Finds nga koleksyon sang mga emerging trends kag makabag-o nga mga produkto.

Ginpakigbahin ni Rowena Mendoza, IFEX Philippines Project Director ang nagkalain lain ngha mga aktibidad nga natalana sa paghiwat sang IFEX Philippines sa Mayo.

May yara man sang Open House nga magapakita sang mga panalawsaw kag interventions nagikan sa mga ahensya sang gobyerno. Ifex kitchen naman ang magahatag sang mga cooking demonstrations gikan sa mga celebrity chefs.

Mangin kabahin man sa IFEX Philippines ang Katha Awards for Food nga magakilala sa mga bag-uhanon nga mga produkto sang pagkaon kag applications nga may yara sang exceptional packaging deisgn.

“Ito po ay isang plataporma na trade show kung saan ang mga MSMEs or food exporters ay binibigyan naman nga oportunidad na ma-reach ang mga export markets. Hindi na po kinakailangang pumunta sa ibang bansa upang mag-promote ng mga products because we all have it here in IFEX Philippines 2025,” pahayag ni Rowena Mendoza, IFEX Philippines Project Director.

Sa luyag nga mga MSMEs nga magpakigbahin, mahimo nga magrehistro sa ifexconnect.com. Natalana ang deadline sang pagparehistro sa Abril 30, 2025. (AAL/LMLE/PIA Iloilo)

In other News
Skip to content