SYUDAD SANG ILOILO (PIA) – Nabalhag sang syudad sang Iloilo ang pinakamataas nga economic growth rate sa Kabisay-an Nakatungdan sang 2023, kung sa diin ini ang may 10.5 porsyento nga pagtaas sa iya gross domestic product (GDP).
Sandig sa datus nga ginpagwa sang Philippine Statistics Authority, ang GDP sang Iloilo City nagalab-ot sa P160.28 bilyones sang 2023 gikan sa P145.07 bilyones sang 2022.
Ginpahayag ni PSA Iloilo officer-in-charge Jerry L. Dolutan nga ang pagtaas sang ekonomiya sang syudad ang bangud sa manami nga resulta sa service sector nga may ara sang 87.7% sa kabilugan nga GDP sang syudad.
“Accommodation and food services surged as tourism rebounded in the post-pandemic period, with Iloilo City at the forefront,” siling ni Dolutan kag ginpakigbahin nga ang industry sector may ara sang 9.9% share, samtang ang agriculture, forestry, fishing may ara 2.4% share sa pagtaas sang ekonomiya sang syudad.
Dugang pa sang PSA nga sa 16 ka industriya, nakitaan sang pinakamadasig nga pagsaka ang accommodation and food service nga may 48.3%, other services nga may 28% kag transportation and storage nga 18.9%.
Ginpahayag naman ni Iloilo City Mayor Jerry P. Treñas nga ang pag-uswag sang ekonomiya sang syudad ang bangud man sa mabakod nga pag-updanay kag suporta sang tanan nga sektor.
“[Iloilo City] has also risen to become the second fastest-growing highly urbanized city in the entire country among 33 cities. This is a testament to the hard work of our business community, the efficiency of our local government, and the steadfast support of every Ilonggo,” siling ni Treñas.
Samtang, ang growth rate naman sang probinsya sang Iloilo ang naghinay sa 4.6% sang 2023 gikan sa 8.5% sang 2022. Sa pihak sini, may ara man sagihapon sang pagtaas sa GDP sang probinsya nga ara sa P215.42 bilyones sang 2023 halin sa P206.1 bilyones sang 2022.
Ang sektor sang serbisyo amo ang nag-amot sang pinakadaku nga bahin sa GDP sang probinsya nga may 56.5 porsyento, ginasundan sang agrikultura, kagulangan, kag pangisda nga may 22.7 porsyento, kag industriya nga may 20.8 porsyento.
Sa 16 ka industriya, nakitaan sang pinakamadasig nga pagsaka ang Other Services nga may 26.3%, ginasundan sang Food Servece nga may 23.4%, kag Transportation and Storage nga may 22.8%. (AAL/JNH/PIA Iloilo)
