SYUDAD SANG ILOILO (PIA) — Nangin madinalag-on ang ginpatigayon nga Packaging and Labeling Design Development Program sang Department of Science and Technology VI (DOST VI), kaupod ang loilo City Government Local Economic Development and Investment Promotion (LEDIP) nga ginsugdan halin Abril tubtub Disyembre 2024.
Kabahin sini ang paghatag sang teknikal nga bulig kag final turnover sang packaging and label design sa 23 ka mga micro small medium enterprises (MSMEs).
Nagsugod ang pagpatigayon sang programa pinaagi sa paghanas sa mga partisipante tuhoy sa food safety kag packaging and labeling.
May ginhiwat man nga one-on-one consultations sa packaging and labeling kag presentation meetings sa tinutuyo nga mag-santo ini sa disenyo nga luyag sang kliyente samtang ginasiguro ang pagsunod sa mga sulundan sa regulasyon.
Suni sa DOST, ang madinalag-on nga partnership sang ahensya kag syudad sang Iloilo ang padayon nga magapasanyog sa mga magagmay nga mga negosyante kag tayuyon nga pag-uswag sang ekonomiya. (AAL/PIA-ILOILO/LMLE)
