LINAMON, Lanao del Norte (PIA) — Gikan sa mabulukon nga mga costume ug mga props nga gama sa niyog, mga sayaw ug chants, dili ikalimod ang kahanas ug talento sa mga resident ning lungsod nga ilang gibida atol sa pagsaulog sa Hudyaka sa Lubi Festival.
Subay kini sa ika-65 nga founding anniversary sa lungsod.
Gisugdan ang selebrasyon pinaagi sa usa ka parada. Nagtigi sab sa street dancing ug showdown competition ang unom ka mga barangay
Giila isip grand champion ang Barangay Magoong nga gisundan sa Barangay Samburon ug Barangay Purakan.
“Happy kaayo mi kay nasuklian among kahago, among kahago na-relieve siya kay nadaog mi,” sumala ni Kyla Alvañez sa Brgy. Bosque.
Gi-awhag sab ni Chavielita Nilo ang katawhan nga bisitahon ang ilang lungsod aron masinati ang kanindot sa Tinago Falls ug matilawan ang lami nilang buko pie.
“Unta mangapil mo sa mga mga in-ani para makalikay sa mga daotan like sama sa droga,” sumala ni Carlo Paragoso sa Barangay Purakan.
Nalakip sab sa highlight sa festival karong tuiga ang Festival Queen Competition, diin midaog ang reyna sa Barangay Samburon.
Samtang, gibutyag sab sa provincial government ang mga plano aron mas mapakusgan pa ang industriya sa niyog.
“Adunay established coconut seed garden didto in collaboration sa Philippine Coconut Authority. This aims to produce high quality seedlings alang sa pag-upgrade sa coconut industry sa probinsya. Usa usab kini ka importante nga lakang for establishment of a proposed integrated coconut processing hub in partnership with the Department of Agriculture-10,” sumala ni Gov. Imelda Quibranza-Dimaporo. (LELA/PIA-10/Lanao del Norte)
