MAMBAJAO, Camiguin (PIA)–Sa talagsaong pagpakita sa suporta sa sektor sa agrikultura, ang inisyatiba sa Kadiwa ng Pangulo nakahatag og dakong epekto sa dihang mikunsad kini sa Bagsakan sa Mambajao, dinhi, Hulyo 17.
Ang kalihokan naglaraw sa pagpauswag sa pagtubo sa ekonomiya, pagpasiugda sa malungtarong mga pamaagi sa pagpanguma, ug pagsiguro sa seguridad sa pagkaon alang sa probinsya uban ang partisipasyon sa mga lokal nga mag-uuma, opisyal sa gobyerno, Bureau of Fisheries and Aquatic Resources, Department of Trade and Industry, National Food Authority, Department of Social Welfare and Development, ug mga residente.
“This Kadiwa program is like a double-edged sword, considering that ang makabenepisyo ani, duha. Una ang mga konsyumante, natagaan ta og kahigayonan nga mamili og mga gwapo nga kalidad sa mga produkto, mapresko, ug barato nga mga agri-fishery products, ug ang isa pud sa pinakadako nga natabangan aning programa sa atong halangdong presidente is ang atong mga farmers and fisherfolk kay ang pinakaimportante nga element sa Kadiwa program is ang pag-abolish sa third party,” matod ni Mambajao Vice Mayor Robert Closas.
Ang Kadiwa ng Pangulo, usa ka inisyatiba ni Presidente Ferdinand Marcos Jr., nagtumong sa direktang pagkonektar sa mga mag-uuma ug kustomer, pagputol sa mga tigpataliwala ug paggarantiya sa patas nga presyo sa tanang partido. Ang kalihokan sa Bagsakan naghatag og lugar sa mga mag-uuma aron ipakita ang ilang mga baligya, pakig-uban sa mga kostumer nga face-to-face, ug paghimo sa usa ka mauswagon nga lokal nga merkado.
Sugod sa kaadlawon, gibahaan sa mga mag-uuma ang plasa sa merkado, nga nagpresentar ug daghang presko nga prutas, utanon, kahayupan, isda, ug mga produkto nga dunay dugang bili. Gipasigarbo sa mga stall ang mga produkto sa agrikultura sa Camiguin, lakip ang inila nga lanzones, pechay, cucumber, kundol, talong, atsal, pinya, kapayas, mangga, ug uban pa.
Daghang mga lokal ang mitambong sa Bagsakan fair ug mipalit sa presko, barato nga mga produkto sa agrikultura. Nakahimo sila og mas lig-on nga bugkos sa komunidad sa mga mag-uuma pinaagi niining panag-ubanay, pagkat-on mahitungod sa ilang mga paningkamot, ug pag-ila sa kamahinungdanon sa pagpalit sa mga lokal nga produkto.
“Maayo ang Kadiwa kay makatilaw ta sa mga presyo nga maayo, mga produkto nga gikan sa bukid, farmers makuha nato ang presyo nga pinakaubos. Ang produkto sa uban nga mga tindahan, mahal, ang sa Kadiwa barato, for example, sa rice tag-P25 ra ang ilang per kilo ang sa uban, tag-P40 plus or P50,” matod ni Joselito Chan, konsumidor sa Barangay Naasag, Mambajao.
Ang Kadiwa ng Pangulo nga kalihokan nga gipahigayon sa Bagsakan nahimong milestone sa agricultural landscape sa probinsya. Kini nga paningkamot nagpakita sa dedikasyon sa gobyerno sa kaayohan sa mga mag-uuma nga Pilipino ug sa ilang mahinungdanong kontribusyon sa kalamboan sa nasud, dugang ni Closas. (RTP/PIA-10/Camiguin)
