Kalampusan sa maayong serbisyong panglawas sa Siquijor gipasidunggan

LARENA, Siquijor (PIA) –Mipasigarbo ang probinsya sa Siquijor sa naangkong tropeyo ug nadawat nga mga pasidungog atol sa gipahigayon nga 2024 Local Health Systems Awards: “Championing LHS: Building Stronger Health Systems for All,” dili pa lamang dugay, didto sa siyudad sa Sugbo .

Nadawat sa Siquijor isip Champion sa Provincial Category sa Local Health Systems Award, Rabies-Free Province, ug 3rd Runner-Up sa Performance-Based Incentives alang sa Barangay Health Workers.

Nadawat usab niini ang John Snow Awards alang sa disease surveillance.

Ang unom usab ka mga lungsod sa probinsya gipasidunggan sa ilang Excellence in Newborn Screening, Dugong Bayani Award, ug Certified Zero Open Defecation.

Ang LGU sa Lazi gipasidunggan sa Mosquito-borne disease prevention ug control, ang Larena, giila sa Maternal ug Child Health initiatives, ug Enrique Villanueva, sa maayong pagdumala sa Disaster Risk Reduction sa Health Systems.

Ang LHS Awarding 2024, usa ka selebrasyon nga gitambongan sa mga representante sa mga Local Government Units ( LGUs) sa Central Visayas nga nagakatapok uban sa mga health workers, opisyal sa barangay, ug uban pang stakeholders aron hatagan ug pag-ila, tropiyo, ug mga plake sa pasalamat, ang mga LGUs ug Healthcare Professionals nga adunay mga kontribusyon ug best practices sa Health Governance ug mga programa ubay niini. (RAC/PIA7-Siquijor)

Ang probinsya sa Siquijor gipasidunggan isip Most Responsible Health Facilities for Central Visayas Electronic Health Referral System. (Province of Siquijor FB page)

Lain usab nga pasidungog ang gihatag sa Probinsya sa Siquijor isip Outstanding in Risk Reduction in Emergencies and Disasters (ARMORRED) Awards 2024 ug Highest Distinction for Province-wide Institutionalized DRRM-H System. (Province of Siquijor FB page)