DAVAO CITY (PIA) — Personal nga gibisita ni kanhi Presidente Rodrigo Duterte ug Senador Christopher Lawrence “Bong” Go ang mga batang adunay cancer sa Children’s Cancer Institute sa Southern Philippines Medical Center dili palang dugay.
Suportado ni Sen. Go isip chair sa Senate Committee on Health ang mga batang adunay cancer.
Gihatagan og regalo ang tagsa tagsa ka mga batang pasyente nga na admit sa maong ospital.
Matag tuig, tradisyon na sa kanhi Pangulo ang pagbisita sa mga batang adunay cancer panahon sa Pasko aron kumustahon ug mahatagan og pahalipay pinaagi sa pamaskong handog.
Gawas sa paghatag og pinaskohan, aduna sab kalingawan ang gitagana ang kanhi Pangulo.
Gisaksihan ni Sen. Bong Go ang maong pamaskong handog kung diin aduna sab donasyon gikan sa mga nanag-iya og BMW Society ug Saferiders, Inc. o mas nailhan nga Any Sunday riders nga mga halos taga Davao City.
Dako ang pasalamat sa Senador sa House of Hope Foundation for Kids with Cancer, Inc. sa SPMC sa padayon nga paghatag og tabang sa mga bata pinaagi sa medical assistance ug temporary shelter facility, hilabina na sa mga pamilyang kabos. (ETI, PIA-XI)
