CEBU CITY, Cebu Dec. 5 (PIA) — Kapin sa 4,000 ka bakanteng mga trabaho ang nagpaabot sa mga job seekers atol sa ipahigayon nga 2023 Overseas Job Fair nga pangulohan sa Department of Migrant Workers (DMW) didto sa The Atrium, Robinsons Galleria, Cebu City karong Disyembre 8.
Matod ni DMW-7 Officer in Charge Regional Director Atty. Karl Frederick L. Arriola, ang mga trabaho nga pwedeng ma-aplayan sa mga aplikante naggikan sa mga nagkalain-laing linya sa trabaho ug industriya nga naglangkob sa mga mosunod nga posisyon:
• Nurses
• Teachers
• Accountants
• Waiters/waitresses
• Managers
• Technicians
• Electricians
• Painters
• Caregivers
• Welders
• Managerial positions
• Farmers
• Laborers
Ang mga nasud kung diin pwedeng matrabahoan ang giingon nga mga posisyon naglakip sa Japan, Australia, United Arab Emirates (UAE), Germany, ug uban pang mga nasud sa Europe ug Asia.
Sa pagsulat niini nga balita, aduna nay 10 ka mga overseas recruitment agencies ang misalmot sa maong job fair nga nagtanyag og kinatibuk-ang 4,362 ka mga bakanteng trabaho alang sa mga skilled ug professional workers sa gawas sa nasud.
Sa pagpahigayon sa maong overseas job fair, gipahimangnuan ni Arriola ang mga aplikante nga magbinantayon batok sa mga illegal recruiters.
Gidasig usab niya ang publiko nga modangop sa nahisgotang job fair ug pahimuslan ang oportunidad nga makakita og trabaho sa gawas sa nasud.
“We urge the public especially those who want to seek better employment opportunities overseas to be wary and stay vigilant of the presence of illegal recruiters, who have already victimized so many. When in doubt, they can always visit the Department of Migrant Workers website and verify the legitimacy of the recruitment agency they are engaging with,” matod ni Arriola.
“DMW is very much happy to be able to help steer the conduct of the upcoming overseas job fair. We believe that by conducting the event, we can create an opportunity that not only addresses the immediate employment needs of our community but also fosters collaboration and synergy between DMW and all of its stakeholders. We are once again inviting the public to join us on December 8 and check out the positions that are up for grabs on that day,” dugang ni Arriola.
Ang job fair magsugod sa alas 9 sa buntag ug ang mga nangita og trabaho gitambagan nga moadto sa venue og sayo aron adunay igong panahon sa pagpili sa ilang aplayan nga mga bakanteng trabaho nga labing haum sa ilang tagsa-tagsang mga interes ug abilidad.
Ang mga aplikante gitambagan nga moandam sa mga pre-employment requirements ug mga materyales sama sa mosunod:
• At least 5 resumés with photo;
• Passport;
• Ballpen;
• Certificate of Employment;
• Certificates of Trainings (TESDA NC II);
• Professional License issued by the Professional Regulation Commission (PRC); ug
• Proof of Educational Qualification (SHS or College).
Ang 2023 Overseas Job Fair ipahigayon pinaagi sa koordinasyon og pakigtambayayong tali sa Public Employment Service Office Lapulapu City, Department of Manpower Development and Placement Cebu City, Overseas Workers Welfare Administration-7, Robinsons Galleria, Cebu Pacific, ug United Filipino Global. (RGC/PIA7 Cebu with reports from DMW)
