LEGAZPI CITY, ALBAY (PIA5/Albay)—Nagsagawa ang Bureau of Fisheries and Aquatic Resources (BFAR) Provincial Fisheries Officer na si Christopher Alvin Lat ng validation sa iminungkahing lugar para sa Tilapia Production Techno Demo sa Brgy. San Roque, Malilipot, Albay nitong ika-2 ng Pebrero.
Inerekomenda ito ni Lat upang makonsidera ang pagpapatupad ng nasabing proyekto. Ilan dito ay ang pond elevation, water resources at drainage system.
Noong nakaraang Oktobre 2022, 3,000 stocks ng tilapia ang ibinahagi sa fish farm na pag ma may ari ni Malilipot Mayor Cenon Volante bilang bahagi ng DA-BFAR-LGU Malilipot Fish Conservation Celebration.
DEMO FARM | Pinuntahan ng mga kinatawan ng Bureau of Fisheries and Aquatic Resources (BFAR) ang site para sa Tilapia Production Techno Demo sa Brgy. San Roque, Malilipot, Albay nitong ika-2 ng Pebrero, 2023. (Photo courtesy of: OMA Malilipot FB page)
Ayon sa assessment ng mga technical experts ng BFAR, ang nasabing stocks ay maaring pumasok sa timbang na 250 hanggang 300 grams bawat isda ngayong pagpasok ng Pebrero.
Sa halagang P20,000 ng feed inputs hanggang sa pag ani nito, sinasabing ang tilapia production ay maituturing na isang feasible food production project dahil sa magandang lokasyon nito, suplay ng tubig at availability ng mga natural na pagkain katulad ng green at brown algae.
Ipinaliwanag ni Mayor Volante at Engr. Joel Bueno na ang disenyo ng fish farm ay maaaring maging destinasyon ng agri tourism ng tilapia at iba pang fish species techno demo site sa hinaharap.
Si Volante ay isang rehistradong magsasaka at isang mangingisda sa ilalim ng Registry System for Basic Sectors in Agriculture ng Department of Agriculture (DA), National Coconut Farmers Registry System ng Philippine Coconut Authority (PCA) at FishR ng BFAR. (Mula sa ulat ni Cristine Joy Bobiles, BU intern- PIA5/Albay)
Photo cover: Courtesy of OMA Malilipot FB page
