DUMAGUETE CITY, Negros Oriental (PIA) – Mikabat sa 5,549 ka mag-uuma sa Negros Oriental ang nakadawat og certificates of condonation with release of mortgage (COCROM) gikan sa Department of Agrarian Reform (DAR).
Nagpasabot kini na wala na silay balayrang utang sa LandBank of the Philippines kabahin sa yutang gihatag sa ilaha sa gobyerno.
Subay sa New Agrarian Reform Act nga gilagdaan ni Presidente Ferdinand R. Marcos Jr. sa miaging tuig, angkunon sa gobyerno ang pagbayad og utang apil ang interes sa mga mag-uuma nga gitawag usab og agrarian reform beneficiaries (ARB) sa DAR ngadto sa LandBank.
“May mga farmer-beneficiaries tayo na mayroon doon sa CLOA, mayroon nakatatak na mortgage po sa LandBank of the Philippines. Ibig pong sabihin kailangan nila magbayad sa LandBank ng amortisasyon sa loob ng 30 years,” segon pa ni Atty. Sheila Enciso, ang regional director sa DAR-7.
“Iyon pong amortisasyon na dapat nilang bayaran sa LandBank ay burado na because of that law that was passed last year iyong 11953. Condone po kumbaga inako ng gobyerno ang dapat bayaran nila,” dugang pa sa opisyal.
Gipanguluhan ni DAR Usec for Mindanao Affairs Amihilda Sangcopan, DAR Usec. for Support Services Rowena Niña Taduran ang paghatag og COCROM sa mga ARBs sa DAR inubanan ni Atty. Enciso ug Negros Oriental Gobernador Manuel “Chaco” Sagarbarria ang pagapod-apog sa COCROM niadtong Nobyembre 16, dinhi sa Dumaguete City.
Gawas sa COCROMs nanghatag usab ang DAR og og certificates of land ownership award (CLOA) ug e-titles of land sa lain pang ARBs sa DAR.
Mikabat sa P727,750,154.39 ang total amount sa utang sa mga mag-uuma nga bayaran sa gobyerno.
Matod pa ni Enciso, makatabang ang balaod sa mga mag-uuma sa pagtigom og kwarta kay luwas na sila sa pagbayad og utang ug magamit nila ang natigom na kwarta sa pagpalit og makinarya og abono sa ilang tanom.
Mipasalamat si Charity Francisco, usa ka ARB gikan Vallehermoso, sa maong programa sa gobyerno.
“Mahimo jud ipalit og abono kay kung og dili maabonohan dili man gihapon mapuslan ang tanom,” matod ni Francisco.
Gatanom og mais og saging si Francisco sa iya yuta sa Brgy. Don E. Villegas sa Vallehermoso.
Moabot sa 4,600 sqm ang kadaku-on sa yutang iyang gitikad og mikabat sa P50,236 ang utang niya nga gi-condone sa gobyerno.
Mipasalig ang mga opisyal sa DAR na mohatag pa sila og dugang na hinabang sa mga mag-uuma pinaagi sa mga makinarya aron molambo ang ilang pagpananom.
“Ang titulo gihatag sa inyo, inyuha na gyud na. Ang pangayuon lang namo from DAR, palambua na ninyo. Kung pwede ayaw jud ninyo ibaligya. Kung kinahanglan ninyo og tabang sa inyo pag-uma duol ra (namo). If ang DAR dili makahatag for support services, naa man mi mga partner agency. We have DENR, NIA, LandBank,” sumala ni Sangcopan.
“Pagyamanin, alagaan, at protektahan natin ang ating mga lupa. Huwag po nating isasangla o ibebenta ang ating lupang pag-aari. Bilang sector head ng support services, ang ibinibigay talaga namin ay farm machineries and equipment (FMEs), farm-to-market roads, at mayroon din kami post-harvest facilities kasi hindi lang nagtatapos sa pagbibigay ng lupa sa ating magsasaka, we have to empower them,” sumala ni Usec. Taduran. (RAL/PIA7-Negros Oriental)
