Lideres sa Kabisay-an naglagda manifesto sang pagsuporta kay PBBM

Presidente Ferdinand Marcos nagbaton sang suporta sa mga lider sa Kabisay-an pinaagi sa isa ka manifesto nga ginlagdaan sining mga opisyal kalakip ang 16 ka mga Gobernador sa unity lunch nga ginhiwat sang Enero 30 sa Cebu Provincial Capitol. (PCO photo)

SYUDAD SANG ILOILO (PIA) — Liwat nga ginpamatud-an sang mga lider sa rehiyon sang Kabisay-an ang ila suporta para kay Presidente Ferdinand R. Marcos Jr., kag sa iya palanan-awon para sa pungsodnon nga kauswagan.

Si Presidente Marcos nagtambong sa unity lunch nga gin-organisar ni Cebu Governor kag ‘One Visayas Bloc’ leader Gwendolyn Garcia sang Enero 30 sa Cebu Provincial Capitol.

Gintambungan ang kahiwatan sang mga gobernador nagikan sa rehiyon sang Kabisay-an, mayors, vice mayors, councilors, provincial board members, kag tiglawas nagikan sa Provincial Association of Barangay Councils sa Cebu. Nagpaguwa sila sang separado nga manifesto sa pagkilala sang commitment kag hinimuan sang Presidente sa pagtukod sang pungsod.

“We, the duly elected governors of the Visayas region, representing our respective provinces and the millions of Filipinos who call the Visayas home, stand united in our unwavering support for the administration of President Ferdinand ‘Bongbong’ Marcos Jr.,” nasaad sa manifesto sang mga gobernador.

Tanan nga 16 ka mga gobernador nagikan sa Cebu kag sang rehiyon sa Kabisay-an naglagda sa manifesto kalakip sanday Cebu Gov. Garcia, Aklan Gov. Jose Enrique Miraflores, Guimaras Gov. JC Rahman Nava, Bohol Gov. Erico Aristotle Aumentado, Antique Gov. Rhodora Cadiao, Iloilo Gov. Arthur Defensor Jr. kag Capiz Gov. Fredenil Castro.

Ginalakipan ang iban nanday Gov. Eugenio Jose Lacson, Gov. Manuel L. Sagarbarria nagikan sa Negros Occidental kag Oriental, Biliran Gov. Gerard Roger Espina, Siquijor Gov. Jake Vincent Villa lakip ang ila mga kaupdanan nagikan sa isla sang Samar kag Leyte nga sanday Gov. Sharee Ann Tan (Samar), Gov. Edwin Ongchuan (Northern Samar), Gov. Ben Evardone (Eastern Samar) Gov. Jericho Petilla (Leyte) kag Gov. Damian Mercado (Southern Leyte).

Gindayaw sang League of Municipalities sa Cebu ang dalayon nga pagpanikasog sang Presidente “to lead the Philippines as an economic force to be reckoned with in Asia,” nga ginapakita sa iya pagkadesidido kag determinasyon sa pagbalay sang mga sistema kag estratehiya sa pagdala sang kasanyugan sa ekonomiya.

Ginpahayag nga ang wala nagabag-o nga commitment sa kaluwasan sa domestiko nga seguridad ang naka-attract sang mga foreign investment, nga nagresulta sa talalupandon nga padya para sa pungsod.

Para sa ila bahin, ang Philippine Councilors League (PCL)-Cebu Chapter nagpahayag nga ang aksyon sang administrasyon ni Marcos ang yara sa maayo nga interes sang mga Filipino nga nagapalapnag sang general welfare kag naga-amot sa pagtukod sang nasyon.

“His firm leadership has resulted in progressive and dynamic results and responsiveness to the needs of Filipinos,” pahayag sang ila manifesto.

Disiseis ka mga katapo sang PCL-Cebu Chapter, kalakip ang ila Presidente nga si Ricardo Pepito nagpirma sang manifesto kag pito ka mga Sangguniang Kabataan (SK) Federation members ang nagpahayag man sang ila suporta.

Ginsuportahan sang SK Federation ang “Bagong Pilipinas” governance vision, sa ila pahayag nga sila ululupod nga nagatindog para sa mas maayo nga pagdumala nga gintukod sa hustisya, pagkapatas, accountability, paghiusa kag integridad.”

Ang endorsement ginasundan sang kasubong nga hitabo sadtong Agosto 2024, sang ang Unang Ginang Louise Araneta-Marcos nagbaton sang Manifestos of Support nagikan sa mga lider sa ngalan sang Presidente. (AAL/LAF/PIA Iloilo/PND)

In other News
Skip to content