MISAMIS ORIENTAL (PIA) — Atol sa kasaulogan sa National Women’s Month, ang Manticao local government unit (LGU), pinaagi sa Municipal Social Welfare and Development Office (MSWDO), naglunsad og information-education campaign niadtong Marso 10.
Si MSWD Officer Mary Joy Lagrosas miingon nga angay respetohon ang mga katungod sa mga kababayen-an ug mga balaod nga maghatag og proteksyon sa mga babaye batok sa pagpangdagmal sa ilang mga kapikas o mga partner sa kinabuhi.
“Ang babaye pang-gaon, dili dagmalan,” pamahayag ni Lagrosas.
Si Mayor Stephen S. Tan usab miingon nga dako ang paghatag sa lokal nga pangagamhanan sa Manticao og importansiya ngadto sa mga kababayen-an, ilabina sa ilang kontribusyon ngadto sa iyang administrasyon ug ngadto sa komunidad.
Alayon niini, mipasar og ordinansa ang Sangguniang Bayan nga maghatag og day off sa mga babayeng empleyado sa lokal nga pangagamhanan matag katapusang Biyernes sa bulan sa Marso. (Manticao LGU/PIA 10-Misamis Oriental)
