LUNGSOD QUEZON, (PIA) –Isang malalimang dayalogo para sa mga stakeholder ng Public Utility Vehicle Modernization Program (PUVMP) ang isinagawa ng Land Transportation Franchising and Regulatory Board (LTFRB) sa pamamagitan ng public consultation Lunes, (Agosto7) sa lungsod ng Quezon.
Sa pangunguna nina Department of Transportation (DOTr) Road Sector National Project Management Office (NPMO) Therry Rose Lumauig,
tinalakay ang iba’t ibang hinaing hinggil sa PUVMP kabilang ang developmental route at subsidiya para sa mga tsuper o operator na sumali sa programa.
Pinag usapan din ang iniaalok na Entsuperneur at Tsuper Iskolar program ng pamahalaan.
Kasama a ginanap na talakayan sina LTFRB Board Members Engr. Riza Marie Paches at Atty. Mercy Jane Paras-Leynes, Office of Transportation Cooperatives (OTC) Chair Jesus Ferdinand Ortega, at Cooperative Development Authority (CDA) Director Pedro Defensor Jr.
Tiniyak naman ng LTFRB at Department of Transportation – Philippines (DOTr) na patuloy na magsasagawa ng malawakang konsultasyon ang Ahensya at Kagawaran upang lubos na maunawaan ng mga stakeholder ng PUVMP ang kahalagahan ng programa.
Upang matiyak na masasagt ang bawa’t isyu at katanungan mula sa mga stakeholders dumali din sa ginanap na public consultation ang iba pang kawani ng LTFRB tulad nina Technical Division Chief Joel Bolano, Franchise Planning and Monitoring Division (FPMD) Chief Atty. Jocelyn Tataro, NCR Regional Director Atty. Zona Russet Tamayo, at NCR Chief Transportation Development Officer Dr. Amelia Dela Cruz.
Nakasama rin ng Ahensya ang ilang kinatawan ng mga bangko na naging katuwang nito sa pagpapatupad ng PUVMP tulad nina Development Bank of the Philippines (DBP) Representative Raquel Anzures at Landbank of the Philippines (LBP) Representatives Leonardo Aurellana Jr. at Ronaldo Averion. (ltfrb/pia-ncr)
