MAMBAJAO, Camiguin (PIA) — Ang lokal nga kagamhanan sa Mambajao nagplano nga bag-ohon ang Ardent Wellness Spring Resort aron mahimo kining usa ka five-star nga destinasyon, nga mao ang unang resort sa rehiyon nga gipadagan sa lokal nga kagamhanan.
Ang maong inisyatibo kabahin sa mas halapad nga paningkamot nga mapa-uswag ang turismo sa lungsod pinaagi sa usa ka bag-ong kasabutan uban sa LandBank of the Philippines atol sa pagsaulog sa ika-169 nga Mambajao Town Fiesta.
“This exciting development marks a significant step forward in enhancing our local tourism landscape, providing both residents and visitors with a rejuvenated and sustainable wellness haven that showcases the beauty and potential of our municipality,” matod pa ni Mayor Yñigo Jesus Romualdo.
Gipasabot pa sa mayor nga ang groundbreaking ceremony husto nga higayon alang sa pagpauswag sa mga pasilidad sa Mambajao, ug iyang giingon, “Kita diri sa Mambajao, sa atong lungsod, when we say improve, pagwapuhon gyud na nato.”
Iya usab nga gibutyag nga ang bag-ong disenyo sa Ardent Wellness Resort magpakita ug Balinese-inspired style, nga naglaum nga mapareho ang estetika niini sa mga top-tier nga serbisyo. “Ako ra i-post dayon sa page o akong ipakita sa katawhan dayon ang atong bag-o nga plans for our Ardent Wellness Resort nga makaingon gyud ta nga pang-five star na gyud na siya nga hitsura,” dugang pa ni Romualdo.
Ang proyekto importante kaayo ilabina sa kanhing paggamit sa resort isip isolation center atol sa COVID-19 pandemic ug ang mga kadaot nga gidala sa Typhoon Odette, nga nagpabili nga dili magamit ang pipila ka mga akomodasyon.
Bisan pa nga ang swimming pool area gibuksan na ug daghan nang bisita ang nangbalik, nakita ni Romualdo ang oportunidad nga i-upgrade ang tibuok pasilidad aron mahatag ang labing maayong kasinatian.
“Nagsugod na ta’g groundbreaking, ug actually naa na ta’y gisugdan pud nga dormitory type nga building,” matod pa ni Romualdo.
Iyang gidugang nga ang padayon nga pagbag-o sa resort nagtinguha nga hingpit nga mapabag-o kini, nga magpataas sa kadasig nga mahimong usa ka premier wellness destination sa Mambajao.
Uban ang suporta sa LandBank ug ang dedikasyon sa lokal nga kagamhanan, ang panan-aw sa Mambajao nga mahimong usa ka five-star, LGU-run nga pasilidad ang Ardent Wellness Resort padayon nga nagpalig-on ug nagbutang sa munisipyo sa unahan sa industriya sa turismo. (RTP/PIA-10/Camiguin)
