SYUDAD SANG ILOILO (PIA) — Kabug-osan nga 5,036 ka mga Agrarian Reform Beneficiaries (ARBs) gikan sa probinsya sang Capiz ang nahatagan sang Certificates of Condonation with Release of Mortgage (CoCRoM), Certificates of Land Ownership Award (CLOA), at Electronic Titles (E-Title) sa ilalim ng Support to Parcelization of Lands for Individual Titling (SPLIT) Project sang Nobyembre 28, 2024 sa Roxas City, Capiz.
Gipangunahan ni Senador Imee Marcos ang pagpanagtag sa isa ka seremonya kaupod sanday Department of Agrarian Reform (DAR) Assistant Secretaries Rodolfo Castil Jr. kag Atty. Quintin Magsico Jr., DAR 6 Regional Director Leomides Villareal, kag Roxas City Mayor Ronnie Dadivas.
Ginpaambit ni Sen. Marcos ang maayong balita sa mga mangunguma sang Capiz lakip ang panaysayon kon papaano amat-amat natuman ang handom sang iya amay, anay Presidente Ferdinand E. Marcos Sr., sa pagpabaskog sang mga lokal nga mangunguma.
Dugang pa sini nga nga ang paghatag sang mga titulo ang makabig nga katumanan kaangay sa liriko sang pangpungsodnon nga ambahanon nga “Lupang Hinirang” ukon ang lupa nga pinili.
Kabug-osan sang 7,962 ka mga sertipiko kag titulo sang lupa ang ginpanagtag sa kapin 5,036 ka mga ARBs nga sakop ang 5,584.8932 ka ektarya sang lupa gikan sa 16 ka mga banwa kag isa ka syudad sa probinsya sang Capiz.
Halin sa kabug-osan, kapin sa 7,455 ka mga CoCRoM nga sakop ang 5,013.5764 ka ektarya sang lupa ang napanagtag sa 4,630 ka mga ARBs.
Dugang pa, 66 naman sa mga ini ang ginabug-osan sang CLOA nga katumbas sang 34.383 ka ektarya nga duta ang napanagtag sa 61 ka mga ARBs gikan sa apat nga banwa sang Capiz kag 441 ka mga E-Titles sa idalom sang SPLIT Project nga katumbas ang 536.9338 ka ektarya sang duta nga nahatag sa 345 ka mga ARBs gikan sa 11 ka kabanwahanan sang probinsya.
Kon matandaan, ginamando sang Republic Act No. 11953 ukon ang New Agrarian Emancipation Act (NAEA), nga ginpirmahan ni Presidente Ferdinand R. Marcos Jr. sang Hulyo 7 sang tinalikdan nga tuig, ang pagpanagtag sang mga CoCRoM.
Sa idalom sang in inga layi, ginadula na sang gobyerno ang mga pautang, lakip ang mga interes, multa kag mga surcharges nga naagom sang mga ARB gikan sa mga kadutaan nga ginhatag sa ila sa idalom sang Presidential Decree (PD) 27, R.A. No. 6657, kag R.A. No. 9700. (AAL/FRG/PIA6/with reports from the Department of Agrarian Reform)
