SYUDAD SANG ILOILO (PIA) – Nagkalain-lain nga mga inobasyon sa aquaculture ang gintalakay sang Southeast Asian Fisheries and Development Center/Aquaculture Department (SEAFDEC/AQD) sa ginhiwat nga Farmers’ Forum sa Tigbauan, Iloilo sang Hulyo 9.
Masobra 100 ka mga mangingisda kag mga tiglawas nagikan sa nagkalainlain nga mga ahensya kag sang akademya sa Kabisay-an Nakatungdan ang nagpakigbahin sa nasambit nga forum nga nagalaum nga mahatagan sang ideya kag dugang nga ihibalo ang publiko natuhoy sa aquaculture.
Ginpahayag ni Dr. Roger Edward Mamauag, pinuno sang SEAFDEC-Technology and Verification Extension Division nga isa man sa mga rason sang forum amu ang pagtaytay sang mga panalawsaw kag sang praktikal nga aplikasyon sini sa aquaculture.
“We are conducting this forum for the past 10 or 15 years already and it aims to disseminate the technologies available, which are products of several years of research. We saw how these researches can be adapted by the farmers to enhance their operations and productions,” siling ni Dr. Mamauag.
Ang forum ang kabahin sang ika-51 nga anibersaryo sang SEAFDEC/AQD, kung sa diin gintalakay diri ang natuhoy sa Giant Freshwater Prawn Polyculture, Tropical Eel Culture, Pompano Hatchery, Nursery, kag Grown-out Operations, kag ang Sustainable kag Innovative Shrimp Farming Practices.
Nagpasalamat naman ang pila ka mga mangingisda nga nakipagbahin sa forum sa mga bag-o nga ideya kag kaalam nga ila nakuha sa mga eksperto.
“Naka-attend naman kami sang mga orientation kag seminar, pero mas manami ni siya kay mas damo ang amon nabal-an nga mga technique kag ideya sa aquaculture tungod man sa higher-lever resource persons,” siling ni Gelyn Cayanan, isa ka pompano kag milkfish farmer halin sa Nueva Valencia, Guimaras.
“Bangrus gid amon ginasagod, pero nagkadto kami di para makabalo man kung paano magsagod sang Pompano. Naka-try naman ni kami sang-una galling naapektuhan siya sang bagyo. Sa subong, dako gid ini nga bulig para mas madugangan ang amon ihibalo sa Pompano,” pahayag ni Federico Ajesta halin sa Pilar, Capiz.
Magluwas sa paghinun-anon, may ara sang ginhiwat nga practical session sang tilapia masculinization, micropropagation sang seaweeds, disease diagnosis, kag induced spawning sang catfish; kag ang paglunsar sang mga libro nga “Aquaculture Extension Manual (AEM) 75 Breeding, Seed Production, and Culture of African Catfish Clarias garipienus” kag “AEM 76 on Important Marine Parasites and Their Hosts in the Philippines.” (AAL/JNH/PIA Iloilo)
