Mga kina-unhang hugpong sa irrigators, gi-ila sa ilang abag sa ‘Contract Farming’

TAGBILARAN CITY, Bohol (PIA) –Kawhaan sa kawhaan ug upat ka mga nanguna nga mga irrigators associations nga gipasidunggan sa National Irrigation Administration (NIA) sa ilang daku nga tampo sa NIA Rice Farming Support Program o mas nailhan nga Contract Farming, mga Bol-anon nga associations.

Atul sa paglusad sa Bagong Bayaning Magsasaka (BBM) Rice Tungo sa Bagong Pilipinas niadtong Sept. 13, gitunolan sa NIA ang 24 ka mga pioneering Irrigators Associations sa Certificates of Recognition tungod sa kritikal niining abag sa programa sa nasud.

Ang 20 ka mga pioneering IAs sa Bohol nga na lakip sa gipasidunggan, matud pa sa NIA mao ang: AA1A2 Irrigators Association (IA) ang Bayongan Endpoint United IA, Bodcasacal IA, Candunggon IA, Carlim IA, Casamda IA, DSM IA, GBL IA, MAMAMIA IA, Mandawa Pitao IA, MBK Good Farmers IA, Oryza Sativa Linn IA, Panabang IA, Saleca IA, Samilca IA, Sanbaue IA, Sanles Ralip IA, Tubucalm IA, Triple C and T IA ug United Prohance IA .

Lain nga upat usab ka IAs ang lakip sa 20 ka Bol-anong mga mag-uumang benepisaryo sa patubig ang gikan sa Negros Oriental, ug kini ang: Balingasag Mantuyop FIA, Bayawan United FA, Mmantapi-Candalaga- Cansig-id FIA ug Tampocon FIA.

Kini nga mga IAs nakapakita sa walay paglubad nga dedikasyon sa pagpa-uswag sa mga tumong sa programa, nga sa labing tin-aw, magpamaayo ug pagpasayun sa value chain sa panghumayan, gikan sa una nga pagdaro, ngadto na sa paggaling, aron makahatag og maayong klase sa bugas ngadto sa mga komunidad, matud ni NIA-7 regional manager Engr. Rory Avance.

Gipangunayan sa NIA Region 7 top management pinangulohan ni Avance ang pagtugyan sa mga sertipiko.

Ang mga IAs girepresentahan usab sa ilang mga tagsa-tagsa ka Officers-in-Charge (OICs) ug Institutional Development Officers (IDOs), nga maoy nagpahigayon sa mga buluhaton aron mamahimong malampuson ang mga programa ug isiyatiba.

Kini nga pag-ila sa mga nag-unang mga IAs, nagpadayag usab sa panaad sa mga mag-uuma sa pagpa-ugmad pa sa ilang mga proseso sa produksyon aron makatampo sa pagseguro sa abunda nga suplays a pagkaon, inabangan sa technical nga pag-agak sa NIA ug sa mga ahensya nga may kalambigitan sa ilang panghumayan. (RAHC/PIA Bohol)

KAABAG SA NIA. Tungod sa aktibo niining pagsuporta sa Contract Farming, gupasidunggan sa NIA ang 24 ka mga nag-una nga Irrigators Associations sa Bohol ug Negros, atul sa paglusad sa BBM Bigas, Sept 13, didto sa NIA-7 Covered Court sa Dao. (PIA Bohol/NIA-7)
In other News
Skip to content