PANTAR, Lanao del Norte (PIA) — Sa padayon nga paningkamot nga mapalambo ang sektor sa agrikultura, nag-turn-over ang provincial government og 15 ka unit sa solar-powered water pump sa nagkalain-laing asosasyon sa mga mag-uuma sa probinsya.
Ang proyekto kabahin sa implementasyon sa Provincial Gulayan Program, nga gipondohan pinaagi sa 20 percent Development Fund sa provincial government.
Ang P4.5 milyones nga proyekto, nga gipangunahan sa Provincial Agriculture Office (PAO), nagtumong sa pagsuporta sa mga lokal nga mag-uuma pinaagi sa paghatag og moderno ug sustinableng solusyon sa irigasyon.
“Nakita natin na ang mga farmers ay usually manual ang irrigation, lalo na sa vegetable growers. Tiningnan natin kung paano ito i-address. Nakapag-come up na kailangan ng solar-powered water pump. Ito ay isang renewable energy na modern farming system,” sumala ni Provincial High-Value Crops Development Program Coordinator Janel Rose Amorin.
Gipasabot usab ni Amorin nga kini usa pa lang ka sinugdanan ug maghatag pa sila og dugang nga kagamitan, mga liso sa gulay, ug uban pang mga interbensyon.
Gipasidunggan usab ni Provincial Board Member Sidick Dibaratun ang dedikasyon sa mga mag-uuma gikan sa Kapit Bisig Pantar Farmers Association sa Barangay Bowi, Pantar. Sumala niya nga mga maayo sila nga modelo, tungod sa ilang pagpaningkamot sa agrikultura.
“Kung unsa man gali ang kita sa mga kauban, ilaha na. Dako ni siya nga proyekto nga basin unya og mahitabo kini sa uban munisipyo, nga mabuhi sila sa ilang paningkamot, dili lang sila magsalig sa ayuda,” sumala niya.
Sa wala pa makadawat og solar-powered water pump, nakasinati og dakong kalisod ang mga mag-uuma sa Kapit Bisig Pantar Farmers Association sa Barangay Bowi, Pantar. Sulod sa pipila ka bulan, nag-antos sila sa uga nga 23-ektaryang yuta atol sa El Niño nga panahon sa miaging tuig, nga nagpalisod sa pagtamnan og mga tanom.
Busa, miduol sila sa provincial government aron mangayo og suporta, ug nahimong usa sa mga benepisyaryo sa proyekto sa solar-powered water pump. Pinaagi niini nga suporta, dili na kinahanglan pang mangolekta og tubig pinagi sa balde-balde ang mga mag-uuma kay mas dali na nila mag-irigasyon sa ilang yuta.
Busa, mapasalamaton si Soraida D. Mamaconday, presidente sa Kapit Bisig Pantar Farmers Association nga adunay 39 ka miyembro.
Gatanom sila og mga mais, humay, kamoteng kahoy, pakwan, kalabasa, okra ug uban pa. Ila kining ibaligya sa lokal nga mga merkado sa Pantar, ug bisan pa sa Balo-i Marawi. Ang uban pud nilang ani ila mismo nga konsumo. Gabuhi sab sila og tilapia sa ilang fish pond.
“Kami ay lubos na nagpapasalamat at nais naming ipahayag ang taos-pusong pasasalamat sa ating Governor Angging Dimaporo sa patuloy na suporta sa sektor ng agrikultura. Ang turnover na ito ay hindi lamang isang paglilipat ng kagamitan, kundi isang hakbang upang mapalakas ang agricultural training, at mapromote ang food security sa bawat komunidad, lalo na sa probinsya ng Lanao del Norte,” sumala niya.
Samtang, nagpasalamat usab si Alexander Mamaconday, Vice President sa Kapit Bisig Pantar Farmers Association, sa suporta nga ilang nadawat. Gidasig sab niya ang mga mag-uuma nga dili magpabilin nga magsalig sa ayuda lamang, kay temporaryo ra kini, ug gibutangan og bili ang pagpaningkamot aron makab-ot ang kalambuan.
Ang uban pang mga benepisyaryo sa solar-powered water pumps mao ang Mahayahay Communal Garden Association and RIC Mahayahay Communal Garden from Maigo; Patidon Salvador LDN Farmers Association from Salvador; Malasalug Farmers Association, Maitosalug Farmers Association Pamana SLP, Maitosalug Coco Farmers Agriculture Cooperative, and Panoloon Farmers Association from Sapad; Tagulo Farmers Fisherfolk Association and Tangueguiron Farmers Association from SND;
Pualas Com-Cassava Growers Association and Kallangan Farmers Association from Tubod; Kulasihan Kolambugan Demo Farm from Kolambugan; Integrated Upland Coco Farm Learning Site from Magsaysay; and Provincial Nursery Seed Farm ug Lowland Vegetable Techno Demo Farm from Kapatagan. (LELA/PIA-10/Lanao del Norte)
