VILLANUEVA, MISAMIS ORIENTAL (PIA) — Gipasigarbo sa Lungsod sa Villanueva, Misamis Oriental ang gihimo nga Industrial Tour sa ilahang munisipalidad, nga kini gipartisiparan sa fourth year nga mga magtutungha gikan sa North Eastern Mindanao State University nga naka-base sa Bislig, Surigao del Sur.
Ang mga magtutungha sa Electrical ug Mechanical Engineering nga kurso nagsuroy ngadto sa munisipyo sa Villanueva ug nag-industrial tour sa Kirahon Solar Panel, Filinvest Development Group (FDC) Misamis Oriental, Philippine Textile Research Institute ug COCA-COLA Plant. Malipayon ang opisina sa Municipal Tourism sa gihimo nga aktibidad tungod kay ang Villanueva nakatabang ug dako sa mga bisita.
Matod pa sa usa ka mensahe sa ilahang Official Facebook Page, mipadayag ang tourism office nga sa pag-libot-suroy sa mga estudyante, daghan sila nakat-onan labi na nga engineering ang ilang kurso. Gawas ana, ning-bilib sad sila nga luyo sa kagamay nga Lungsod sa Villanueva, ana-ay pipila ka mga dagko nga planta ug kompanya nga nag-palibot. Ug bisan sa kadaghan sa planta, nagpabilin nga luwas ang kina-iyahan. (PIA-10/IJBD)
