NABUNTURAN, Davao de Oro, October 21 (PIA) – – Gi-aprobahan ni Presidente Ferdinand R. Marcos Jr. nga nangulo sa National Economic and Development Authority (NEDA) Board ang Mindanao Transport Connectivity Improvement Project (MTCIP) sa Department of Public Works and Highways (DPWH).
“It’s one of the main road programs for Mindanao. I think that we should, as much as possible, proceed with the project … we need to approve,” matod ni Presidente Marcos niadtong Miyerkules sa NEDA Board meeting sa Palasyo sa Malacañan.
Matod ni Department of Public Works and Highways (DPWH) Secretary Manuel Bonoan, ang MTCIP mosuporta sa tumong sa departamento sa pagpalambo sa transport network sa Mindanao, nga makabenepisyo sa sektor sa agrikultura sa nasud.
“Mindanao Transport Connectivity Transport Project is part of the master plan for high-standard Highway Network Development Project, which identified major projects that would be developed from north Luzon, central Luzon, Visayas, and Mindanao,” matud pa ni Secretary Bonoan.
“This project should provide high-level traffic services by assuring high speed mobility and safe travel to vital transport socio-economic activities for development of the regions and the country as a whole,” dugang niya.
Ang MTCIP magpauswag sab sa network sa transportasyon sa Mindanao. Himoon niing dali ang pagdala sa mga produkto sa agrikultura gikan sa hilit nga mga lugar, samtang mag preserbar sab kini sa kantidad sa dalan, ug magpaminus sa mga gasto nga adunay kalabotan sa naandan ug kanunay nga pagmentinar sa dalan.
Musumpay ang maong proyekto sa mga rehiyon sa Northern Mindanao, Davao ug Soccsksargen.
Ang proyekto pasgapondohan sa World Bank (WB) ug ginalantaw nga mahuman ang menos lima ka mga project component niini sa 2030.
Dugang pa sa DPWH nga kini magpadayon sa rural roads program lapas sa 2030. Kini usa ka timaan nga maong proyekto mahimong dakong kontribusyon sa kalambuan sa ekonomiya sa Mindanao ug sa nasud. (From PND/JSD/MLU/PIA Davao de Oro)
