DUMAGUETE CITY, Negros Oriental (PIA) – Gitinguha sa Kagamhanang Probinsiyal sa Negros Oriental na mapalambo ang estado sa mga bata sa probinsiya ug magpabiling luwas ang katilingban alang ka nila.
Niini, milagda og usa ka Pledge of Commitment ang mga miyembro sa Provincial Council and Welfare Committee (PCWC) alang sa pagpatuman og mga lakang sa kalambuan sa mga bata.
Gihimo kini subay sa pagsaulog sa National Children’s Month karon’g Nobyembre.
“This month is usa ka month which is a prime thrust sa atoang administration. Atoang youth especially our children are very easily affected sa laing-laing status,” matod ni Negros Oriental Gov. Manuel “Chaco” Sagarbarria.
Apil sa mga lakang sa probinsiya ang pagpalig-on sa koordinasyon sa kapulisan ug uban pang mga ahensya sa pagresponde ug pagresolba sa mga kaso sa mga pang-abuso sa mga kabataan.
Matud ni assistant provincial prosecutor Atty. Emmylou Bendanillo, co-chair usab sa local council against trafficking and violence against women ang children (LCAT-VAW) gipalapad na karon ang adbokasiya batok online sexual abuse and exploitation of children (OSAEC) ug trafficking in persons (TIP) na maoy bag-ong paagi sa pang-abuso sa mga bata.
“Our province, through our very active PSWDO and LCAT-VAWC, has provided and will continue to provide ladderized training on TIP and OSEAC, capacitating our criminal justice actors with required knowledge and skills building up and investigating,” matod ni Bendanilla.
Sumala pa niya, angay pang mopanday og ordinansa ang Sangguniang Panglalawigan aron mas maproteksyunan ang mga bata sa abuso sa OSAEC ug TIP. (RAL/PIA7-Negros Oriental)
