SYUDAD SANG ILOILO (PIA) — Ginpaiway sa karon sang Iloilo City government ang bayad para sa special permits sa pagbaligya sang mga bulak kabahin sa pag-obserbar sang Piyesta Minatay.
Suno kay Acting Iloilo City Mayor Jeffrey P. Ganzon, malapit sa 300 ka mga manugbaligya sang bulak ang indi na kinanhanglan pa magabyad sang P500 nga gina-require sang una.
“For this year, ang akon tinutuyo, e-librehon ang mga gabaligya bulak. Maluoy ta sa mga pigado,” pahayag ni Ganzon, lakip man ang pagpahanumdom nga magpati sa mga pagsulundan sa pagbaligya
Samtang, ang balayran nga ginakolekta sang mga barangay ang wala nasakop sang bag-o nga dispensasyon.
“Ang balayran lang nila sa syudad ang gin-waive,” pagklaro ni Special Services Division (SSD) Chief Zellah Gil.
Mahimo nga suguran ang pagdisplay sang mga baligya sa Oktubre 29.
Dugang pa, kinahanglan sa gihapon sang mga manugbaligya sang bulak nga makaangkon sang permit sa syudad agud masiguro nga ang ila pagbaligya awtorisado.
Agud makakuha sang permit, kinahanglan ang mga masunod: clearance certificate gikan sa barangay kun sa diin plano nga magbaligya, cedula, valid ID, special permit contract via the SSD sang Public Order and Safety Management Office (POSMO), kag “No Smoking” nagikan sa Iloilo City Anti-Smoking Task Force.
“Ginapatawag for a meeting ang mga vendors para ma-orient sila of the dos and don’ts sa pagbaligya. After sina, tagaan na sila sang mga requirements which they will comply. The permits will be issued then by the Business Permits and Licensing Office (BPLO),” pahayag ni Gil. (AAL/LMLE/PIA Iloilo)
